Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

dimanche 7 février 2010

حبيبي لزرعلي في ضميري غصة

video




حبيبي لزرعلي في ضميري غصة ـ من الشعر الشعبي التونسي

3 commentaires:

  1. قصيدة رائعة للشاعر الشعبي البشير عبد العظيم وهو من الشعراء المتميزين بمدينة دوز.في الحقيقة هذه القصيدة هي معارضة لقصيدة الشاعر المعروف احمد بن سالم البرغوثي:حبيبي لزرعلي في ضميري غصة.
    حبيب ان زرعلي في ضميـري غصـه مــن كبـدتـي منـبـت غـــلاه نـقـصـه

    RépondreSupprimer
  2. Merci pour l'info :)
    J'ai googlé et j'ai trouvé ça:



    حبيب انزرعلي في ضميرى غصّة / للشاعر

    أحمد بن سالم البرغوثي
    حبيب ان زرعلي في ضميري غصه **من كبدتي منبت غلاه نقصه

    حبيب ان زرعلي في الضمير حسيفه ** من غير ما درتش معاه احساف
    نحساب ما عندي حبيّـب كيفه ** و نحساب حبه ما معاه خلاف
    حطيت قدره فوق رأس حديفه** و هزيت ثقله فوق مالأكتاف
    و فرشتله فوق الحصير قطيفه ** و بسطت له طرز الحرير أصناف
    عامين و الثالث يحول خريفه ** في طاعته نجري بلا توقاف
    اذا غاب نبكي بالدموع سخيفه ** اذا مرض نتمرض بلا تسخاف
    هذاك حدي فوق من تشريفه ** وهذاك حدي فوق مالتشراف
    و جريت جريه من قداه نظيفه ** نحساب ما عدتش معاه نخاف
    حياني الحيا جابد علي سيفه ** وزود ضربني لا استحى لا راف
    نستاهل التعزير و التطويفه ** و نستاهل التكتيف و التشعاف
    ونستاهل يديرو علي تخريفه ** آش قالك مجنون رأسه خاف
    أنا زهفت و خلوق الصغير زهيفه** رمتني على صحبة عباد قصاف
    وليت مستهزب و واكل جيفه ** و ندمت ولحقني الندم بالزاف
    لحقني الندم بزايد ** و كويت فوق ايدي ثلاثه جرايد

    و شعفت من بني الحجر البايد ** شهرين يتقضقض يصوب رصه
    نوصيك يا مغفول برى حايد ** و اللي انكوى بالنار ما يتوصى
    حبيب ان زرعلي في ضميري عله** تشغشب دليلي ما بقيت اندل

    نحساب ما درتش معاه الزله ** و ما نحسبه طول الزمان يزل
    ملكت له عقلي خذاه بكله ** و جوجيت له بين الجواجي حل
    فرغت له قلبي نزل في ظله ** محال لا واحد معاه نزل
    في طاعته نجري نعم, باسم الله** وفي خدمته نخدم بغير ملل
    عامين ما ندري ثلاثه والله ** جمعت محسبهم علي ظل
    عديتهم بين الصغى و الذله ** وشربت مرار الحبيب عسل
    عل خاطره حملت القطر و البله ** و خشيت في غارق الطين وحل
    نحساب لا خاب الزمان وخلى** نلقى حبيبي ما معاه خلل
    حياني الحيا ربط اللي ربطه حله **بدل غلايا باعني و ردل
    استندمت هاني مالندم نتقلى** و شكيت في فكري أنا مختل
    خليت ما تحرث انفاض التله ** و حرثت في سبخه لبز و طلل
    نحساب يقوى زرعها يتعلى** تحضرت للصابه بكل شغل
    ضرب ملحها يبست غدت مصلى ** لطم زرعها بعد النبات بطل

    لطم زرعها كيف نبت** لا قلصت لا سعفت لا ربت
    لا داملت لا نقلت لا خلت ** لا حصلت بين الحصايص حصه
    ثبتت في الناقص بديت مثبت ** وفيت له ولقيت فيه الخصه

    حبيب ان زرعلي في الضمير غرايب** ردف زادني بعد الهجا تعذيب
    نحساب قربه ما معاه قرايب ** و نحساب حبه ما معاه حبيب
    نحساب متهني حضور وغايب** و نحساب كيف نحرث معاه نصيب
    نحساب ما درتش معاه معايب ** ديما غديري من قداه حليب
    نحساب روحي مالكه بكتايب ** عندي عليه عدول و مكاتيب
    عل خاطره رافع حمول صلايب ** عامين والثالث يحول قريب
    عل خاطره عانيت كل مصايب ** وعل خاطره رأسي تناصف شيب
    عل خاطره ما عاد نومي طايب ** سامور حبه في الكنين لهيب
    نحساب ما نلحق معاه معايب ** سوى نخصبوا والا الزمان جديب
    حياني الحيا فارق بغير سبايب ** نسي عشرتي زي من مربي ذيب
    في القلب مستاجع و دمي رايب نمشي جهامه عالوطى تدبيب
    صابر على عكس الزمان الخايب لا خير في واحد يعيش غريب
    يلبس من الذله ثلاث جبايب ** و يزيد من هم الزمان نصيب
    اذا مات ما يرموا عليه عصايب ** اذا مرض ما يوجد معاه طبيب

    اللي مريض و جالي ** لازم يهز الثقل كيف أثقالي
    أنا صاحبي من غير عيب أسالي**قشط جبهته و خيب معاي نصه
    كيف جازني نحلف يجوزه بالي ** و من خاتمي نقلع قزازة فصه

    حبيب ان زرع لي في ضميري غيره** رحل بالمقامه من حذاي فر
    من غير لا ردش علي شيره**نراه باعني بالخايبه و غدر
    الله يهلكه و يخزيه ما أغرق بيره ** قداش غرق تحتنا و حفر
    فيسع جبد سفاحته مالنيره ** قطع حجايج صحبتي و نكر
    الله يهلكه بنادم بغير سريره ديم أطباعه منقصه وغرر
    تستصحبه و تظن فيه ذخيره تلقاه يعمل في عمال الذر
    يا غبن قلبي ما أكبرك من خيره **جميل ان زرعته في الحبيب خسر
    سقيته عسل لجباح يوم عصيره ** رجع كفاي بالحدج المر
    و كمل كواني عالكنين ظفيره ** و ذرذر على جرحي ذرور الضر
    الله يرزقه بدعوى تجيه كبيره ** يتلاح ما بين البلاء و الشر
    تخليه ما بين العباد نذيره **معيوف و ملوح لحم خمر
    يجعل أيامه ناكده و كشيره ** مدروك في هم الزمان يكر
    نوصيك يا مغفول دير بصيره** للياش لا تربط معاهم سر
    جربتهم ما لقيت فيهم خيره ** ملولي حشاي موجعه وضرر

    جربتهم قهروني** عاشرتهم بالباهيه خانوني
    عزيتهم بأرخص ثمن باعوني ** الدلال لا يشاحن ولا يتوصى
    سلامي على اللي سامعين صغوني ** و نستغفر الله في تمام القصّة

    RépondreSupprimer
  3. je veux la version mp3 svp!

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية