Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

jeudi 25 février 2010

رسالة مفتوحة إلى عمّار و شركائه

11 commentaires
اليوم، و بعد تفكير عميق، قررت باش نرفع لحضرة جنابك رسالة خاصة، أنا شخصيا فديت كيما قلت في تدوينة سابقة، ولينا في البلوغوسفار جمعية تضامن، كل نهار و مدونة تتحجب و الناس الكل تبقى تخمم علاش، الشي هذا ما يليقش بينا أحنا كمدونين، خاطر موش معقول يتم إعتبار كلامنا ضار للتوانسة و ما يلزمش يسمعوه، كيف كيف الحجب فيه نوع من الإحتقار للعباد اللي قاعدين إنتوما تقررو في بلايصهم شنوة لازم يتقرى و شنوة اللي موش لازم، ثالثا، نتصور أحسن بالنسبة للعباد اللي قاعدة تخدم في الخدمة هذي باش ترتاح من مشكل هالمدونات


شخصيا نعتبر ما يسميه التوانسة بعمار بصفة هزلية ما هو إلا جهاز رسمي قاعد يتحكم في الأنترنات، نقول جهاز رسمي خاطر إذا وصل الرئيس تدخل و رجع الفايسبوك، الأمر أكيد تعطى لقسم معين، يعني فمة عباد قاعدة تتصرف حسب قواعد معينة و نشكر بالمناسبة الناس اللي قاعدة تخدم خاطرهم عمرهم ما خذاو الأمر بصفة شخصية رغم السباب و الشتائم اللي توصلهم ساعات


بإختصار، شخصيا نتصور أنو فمة قواعد متاع حجب في تونس، مثلا الثلب و القذف العلني، البورنوغرافيا، نشر الإشاعات المعرضة، الإصطياد في الماء العكر، إثارة البلبلة، الدعوة إلى قلب النظام، أو حتى (حسب ما فهمت من حميدة) نشر صور موتى في الفيضانات، المطلب الشخصى متاعي هو الأتي: شنية الأسباب اللي تخلي تدوينة تتصنصر؟ شنوة الواحد لازمو يعمل باش ما يوليش 404؟ أنا شخصيا عامل كيف بمدونتي و ما نحبش يجي نهار تتصنصرلي وقت اللي كنت نجم نتجنب الحجب. كونو معانا في المستوى و فسرولنا علاش قاعد يصير الحجب نكون معاكم أحنا باهيين زادة و نجنبوكم برشة خدمة زايدة تصرفو، ألقاو طريقة توصلولنا بيها المعلومة المهم ما تخليوناش في المحلول و في التعتيم، نحبو حاجات واضحة و صريحة




ولكم سديد النظر و تقبلو مروري بكل أخوية

mercredi 24 février 2010

أنا لا أتضامن مع لينا بل مع عمار

10 commentaires
يا جامعة أنا راني فديت، ضربة ضربتين نبدى ندون ضد الحجب في تونس، و كيف الناس نسب في عمار، المرة هذي قلت يزي، السيد تاعب و ليل و نهار يخدم، تي أخر أرتيكل كتبتو لينا عندو 5 أيام و السيد ما خلط يصنصرو كان اليوم، معناها السيد صايرلو إرهاق في خدمتو و ساهر الليالي من أجل تقديم فضاء إفتراضي نضيف من التفكير في التونس، لذا الليوم أعللن مساندتي التامة و اللامشروطة لعمار بل بالعكس، أطالب بإنتداب عمامير صغار، ستاجيارات تقول إنت، من أجل مساعدتو في عملو الشاق والمضني و نطالبو زادة باش يسكر جميع البلوغات اللي فيهم الريحة في مرة واحدة و يرتاح  خير ماللي الواحد يبدى كل نهار يندد و يشجب و يستنكر و ما واصل لشي

مع عمار ضد الأفكار

jeudi 18 février 2010

Search for commun ground, my point of view

10 commentaires
J'ai suivi avec passion le workshop organisé par l'ONG américaine Search for commun ground à Rabat et auquel 4 blogueuses tunisiennes( Nightclubbeuse, Moghrama, EmmaBenji, CourantAlternatif ) ont participé, on commence par la défintion des objectifs de la SFCG
Founded in 1982, Search for Common Ground works to transform the way the world deals with conflict - away from adversarial approaches and towards collaborative problem solving. We work with local partners to find culturally appropriate means to strengthen societies' capacity to deal with conflicts constructively: to understand the differences and act on the commonalities.
Pour les non-anglophones, ceci veut à peu près dire: "chercher à modifier les approches pour la résolution de conflits  en travaillant avec des partenaires locaux afin de renforcer la capacités des sociétés à appréhender les conflits de manière constructive". Les sujets dont traite cette organisation sont très variés et couvrent à peut près 18 pays, vous pouvez le vérifier ici.


Avant d'émettre mes propres réserves sur cette initiative qu'est le Workshop organisé à Rabat, je tiens à préciser qu'aucune polémique n'aurait éclaté s'il n'y avait pas de tunisiens participant à ce meeting, qui en plus était gratuit, (ça me rappelle le fameux slogan "le tunisien est salvateur pour le tunisien") et que sans ces fameux relents de normalisations avec l'état hébreux, il n'y aurait pas eu de polémique non plus, ce qui est révélateur d'une absence totale de vision globale du monde et de ses mécanismes.


Ce constat me pousse donc à être contre ce WorkShop (malgré mon appréciation du contenu technique dont j'ai eu écho) pour deux raisons principales:


- Depuis la chute de l'URSS, le monde est devenu unipolaire, la puissance américaine, malgré ses déboires et ses échecs, n'a plus à rien à monter, les conflits des 30 dernières années nous le montrent largement. Si certains croient que cette influence n'est que politique, ils se trompent, tout ou presque est "réfléchi aux USA", Facebook, Twitter et même blogger sont américains, si nos moyens de dissidences sont chez les ricains et si nos leaders sont sous leurs ordres (par choix ou par obligation), il faut en conclure qu'on est vraiment mal. C'est surtout parce que ce suis un anti-mondialisation acharné, que je n'accepte pas que l'on décide à mal place, que l'on me trace le chemin que je dois suivre dès le départ. Cette tendance à uniformiser le monde m'est des plus insupportables. Le néolibéralisme est entrain de ronger la planète, les gens meurent à cause de ce capitalisme poussé à l'extrême mais on refuse de les nourrir ou de les soigner à cause du sacro-saint principe du gain et du profit. Au delà de l'aspect politico-économique de cette ingérence, il ne faut pas oublier qu'obligatoirement derrière il y ai une culture qu'on essaie d'imposer et de rendre universelle, mais je tiens d'abord à préciser avec de continuer, que je ne crois pas au "dialogue des cultures" mais au chocs des cultures, tout au long de l'Histoire, aucune culture triomphante n'a pensé à préserver celle des défaits par exotisme et par "respect des cultures", cette réalité nous pousse à vouloir à tout prix éviter de se faire influencer, à se faire amadouer, à accepter une vision qui n'est pas notre (même si on peut être d'accord), c'est esprit contestataire qui me fait pousser ce coup de gueule, c'est aussi ce programme du « Grand Moyen-Orient » qu'on veut nous faire avaler de gré ou de force. Je ne suis pas contre la démocratie ou la liberté, mais on connait tous les résultats de l'importation de la démocratie par la force. Pour aussi traiter du sujet de la normalisation avec l'état hébreux, il est sans rappeler que la vision américaine est claire: un état avec Jérusalem comme capitale pour les sionistes, ce que je refuse personnellement, ayant déjà donné mon avis deux fois (ici & ici) et espère un jour voire les deux peuples réunis dans un même état laïque et démocratique. Cette première partie du refus de la mise sous tutelle de notre pensée  me pousse à développer mon deuxième argument qui est un peu plus subjectif.

- Pourquoi une ONG américaine? Pourquoi pas une organisation arabo-arabe? Que nous manque-t-il afin de faire ce genre de meetings avec nos propres moyens? Tout ou presque a été fait par des arabes et chez les arabes? Pourquoi ne pas essayer d'être plus libres et plus indépendants? Tout est question d'afranchissement de l'Homme Arabe qui retrouve toute sa superbe et sa splendeur dans ce petit espace de liberté que le blogging (et internet plus généralement) lui a ouvert, il doit se libérer et montrer qu'il n'est pas à la marge de l'Histoire, que même si les frontières nous séparent et même si par un certain chauvinisme on n'a pas envie de les voire disparaitre, on sent obligatoirement une certaine complicité avec nos confrères Arabes (ici, ici & ici pour n'en citer qu'eux), on ne cherche pas l'unification mais l'unité, le potentiel est grand et les possibilités sont nombreuses, il faut œuvrer pour un rapprochement plus libre et plus concitoyen qui ne s'inscrit pas dans un agenda étranger, fut-il écrit avec toute la bonne volonté du monde. S'émanciper: tel est le mot d'ordre aujourd'hui, on peut penser par nous-même, les réactionnaires et les obscurantistes -même nombreux- ne résisteront pas à une vague de renouveau et de liberté dont les étincelles commencent de plus en plus à se montrer et à se faire entendre. L'occasion est trop bonne pour la gaspiller en se tirant une balle dans le pied avec une tutelle étiquetée américaine.


à bon entendeur...

mercredi 17 février 2010

Sens de la vie : Le pêcheur mexicain

5 commentaires
Au bord de l'eau dans un petit village côtier mexicain, un bateau rentre au
port, ramenant plusieurs thons. L'Américain complimente le pêcheur mexicain
sur la qualité de ses poissons et lui demande combien de temps il lui a
fallu pour les capturer :
" Pas très longtemps ", répond le Mexicain.
" Mais alors, pourquoi n'êtes-vous pas resté en mer plus longtemps pour en
attraper plus? " demande l'Américain. Le Mexicain répond que ces quelques
poissons suffiront à subvenir aux besoins de sa famille.
L'Américain demande alors : " Mais que faites-vous le reste du temps? "
" Je fais la grasse matinée, je pêche un peu, je joue avec mes enfants, je
fais la sieste avec ma femme. Le soir, je vais au village voir mes amis.
Nous buvons du vin et jouons de la guitare. J'ai une vie bien remplie ".
L'Américain l'interrompt : " J'ai un MBA de l'université de Harvard et je
peux vous aider. Vous devriez commencer par pêcher plus longtemps. Avec les
bénéfices dégagés, vous pourriez acheter un plus gros bateau. Avec l'argent
que vous rapporterait ce bateau, vous pourriez en acheter un deuxième et
ainsi de suite jusqu'à ce que vous possédiez une flotte de chalutiers. Au
lieu de vendre vos poissons à un intermédiaire, vous pourriez négocier
directement avec l'usine, et même ouvrir votre propre usine. Vous pourriez
alors quitter votre petit village pour Mexico City, Los Angeles, puis
peut-être New York, d'où vous dirigeriez toutes vos affaires. "
Le Mexicain demande alors : " Combien de temps cela prendrait-il? "
" 15 à 20 ans ", répond le banquier américain.
" Et après? "
" Après, c'est là que ça devient intéressant ", répond l'Américain en riant.
" Quand le moment sera venu, vous pourrez introduire votre société en bourse
et vous gagnerez des millions ".
" Des millions? Mais après? "
" Après, vous pourrez prendre votre retraite, habiter dans un petit village
côtier, faire la grasse matinée, jouer avec vos petits-enfants, pêcher un
peu, faire la sieste avec votre femme et passer vos soirées à boire et à
jouer de la guitare avec vos amis. "

auteur : anonyme

mardi 16 février 2010

Nessma TV Vs Tunisia TV7

18 commentaires
Moi aussi je rajoute mon petit grain de sel à toute cette polémique qui ne cesse d'enfler depuis la diffusion sur La chaîne Nessma TV de deux vidéos qui seraient très choquantes et non conformes aux us et coutumes de notre chère pays. Tout ou presque a déjà été dit sur le sujet, les tunisiens, une fois n'est pas coutume, se sont divisés sur un autre sujet que le foot, un clan a commencé à attaquer la chaîne des obsédés sexuels, la chaîne décadente et les plus virulents iront jusqu'à dire qu'elle est sioniste, de l'autre côté, on soutient, on s'organise et on applaudi à tout va cet élan de liberté et ce vent nouveau qui souffle sur notre beau pays et qui ramènera avec lui les graines d'une démocratie parfaite.

En y réfléchissant de plus près, je me suis posé cette question:
- Partout dans le monde des chaînes privées font des shows pas très catholiques, font de la trash TV (c'est pas le cas de Nessma TV) etc, mais les débats ne sont jamais de cette ampleur! Pourquoi cette exception tunisienne?

Ma réponse est plutôt simple, le service public ne fait pas son travail, il est lâché par les tunisiens qui finissent par exiger d'une chaîne privée le travail de leur chaîne nationale, la télé tunisienne, même si elle n'est jamais médiocre (de bons films, pas de débilités profondes jusqu'à un passé proche), n'a jamais été proche des gens, et l'entrée en matière de Cactus Prod. n'a fait qu'empirer les choses, la chaîne nationale a commencé à nous faire de la télé réalité, des émissions d'abrutissement total comme Sofienne Show etc... Si vous cherchez l'erreur dans ce qu'a fait Nessma TV, demandez vous pourquoi la chaîne nationale ne remplit pas son rôle






Vidéo .1





Vidéo .2

mercredi 10 février 2010

يوميات موظف بسيط

3 commentaires
فاق الصباح كي العادة، خواطرو مقلوبة، راسو يوجع و ناقص نوم، كي العادة البارح في الليل قعد ساهر يتبع في ال م بي سي أكشين و فادد من القصان و الترجمة الغالطة متاعهم، تلفت يلقى مرتو، كي العادة الشعر مشبشب، الشحم على برة و السكّر ليه عامين ما قربش لجلدتها، إستعوذ مولاه و قال ربي يكمل النهار على خير، جبد سيڨارو و قعد على طرف السرير و بدى يتكيف، محلاه الليجار الموش مضروب، نفس واحد تخرج معاه هموم الدنيا الكل، مع النفس الثاني مرتو فاقت و بدات تسب فيه و تلعن "يا مش راجل، يا مش عبد، تتكيف في بيت النوم؟". خزرلها على جنب و قاللها "تصبح لمولاك يا مرا" و سكّر عينيه و سرح بمخو بعيد خاطر الديسك المجروح على القضية و اللهوة و الفلوس حفظو عندو سنين و خلاها تتكلم في الفارغ
لبس دبشو فيسع و خرج مزروب، الكرهبة الخردة مازالت في التصليح و طالبة برشة فلوس و موش كان هي زادة، باش ياخو الكار الصفرة اليوم زادة، طلع بالسيف، اليوم ما لصقش في ظبوط دمار شامل و ما كبشتش فيه حتى مرا خاطر قربلها، الكار معبية و الوجوه مكشبرة، اخر الشهر و الفلوس ما فماش، ماخيبو الإحساس، إنسانيتك تنعدم كي تبدى تفلي في القرد بصوردي
وصل للخدمة، الَبَنْيَه جديدة و تعمل ستة وستين كيف، طلع للطابق الرابع، حط الفيستة و مشى ياخو في قهوة مالمقصف، فيلتر لا لون و لا طعم و لا رائحة له أما باهي و يعدي السيڨارو الثاني متاع النهار، وقف تحت بلاكة ممنوع التدخين و شعل، جاء الشاوش و قوّاد العرف يجري، عرف روحو ترزى في سيڨارو، مدهولو و قعد يخمم في خدمتو الكلبة، ماهو فاهم حتى شيئ منها، ملّي أختو الكبيرة لقاتلو إعلان في الجريدة و تكلمت عليه باش يدخل يخدم عند الدولة و هو يعاني، كل مرة يطلبو منو باش يعمل حاجة و هو يطبق ديراكت من غير ما يفهم، موش عيشة، ما تعلم شي و ما يلقى ما يقول كيف يبنك مع صحابو في القهوة كيف يسألوه على خدمتو، هو هكاكة و يسمع صوت صباط العرف من بعيد "يا بوڨلب، شبيه على بكري اليوم"، جيّف السيڨارو و مشى باش يرجع لبيروه. "إنت! يا شسمك! يا متاع البيرو الثالث على الليمين، إيجا لهنا" وقف و عرف البيعة ناتنة، تبع عرفو للبيرو و سكّر الباب و قعد

ـ الخدمة موش ماشية حتى طرف، فمة تقارير قاعدة توصلي و ما تعجبش جملة
ـ اه، و الله، ماو تعرف
ـ كيفاش نعرف؟
ـ ما قالو حكاية فارغة اللي نعملو فيه
ـ شنوة؟؟؟ كلام تقول توة؟
ـ لا، أما اللي تخرجو مالباب يدخلك مالخوخة
ـ أيه، و أنا أش تحبني نعملّك؟ تحب العباد تقول علينا ما نعملو في شي؟
ـ ماو قالولنا العباد تشكي من السوم و مالبنية التحتية متاع تجهيزاتنا
ـ (قريب يتطرشق) شبيك مهبول؟ تحب إتعبنا بالخدمة؟؟؟ ماو أعمل حاجة ساهلة و إرتاح و رتحنا؟ أخرج عليا توة

خرج، مشى لبيروه، حل الأورديناتور و قعد ربع ساعة يخمم و يتفرج، مبعد حل متصفح الأنترنات (نافيڨاتور) و حل السيت اللي يمشيولو الناس الكل، عمل طلة على التصويت، قرى حاجة ولا ثنين، ما فهم شي، قعد يخمم شوية أخر، عمل طلة على المواقع الإجتماعية و رجع للسيت الأول، إختار سيت و مشى حل برنامج خاص بخدمتو و نقل العنوان متاع السيت و سكر الحاسوب و جبد ورقة يعمل في التقرير متاعو

ـ تم اليوم حجب مدونة أفكار ليلية لصاحبها

و قعد يخمم إذا كان كلمة أفكار و إلا ليلية قلقتو أكثر

lundi 8 février 2010

أحداث ساقية سيدي يوسف

3 commentaires

اليوم يقابل الذكرى 52 لأحداث ساقية سيدي يوسف اللي صارت في 8 فيفري 1958 و اللي كيما سمعنا الناس الكل في الأخبار متاع الثمنية "إمتزجت فيها دماء الشعبين الشقيقين" و يوريو شوية تصاور مالأرشيف و يجي الرئيس التونسي و الجزائري و يحطو بوكي نوار و يقراو الفاتحة، و طبعا إذا العلاقات متوترة بين الزوز بلدان، الرئيس الجزائري ما يجيش، شخصيا عندي إحترام كبير للجزء هذا من تاريخنا باش نفسرو بعد شوية تصاور




الإحصائيات تقول أنو فمة أكثر من خمسين قتيل



منهم 12 طفل في مدرسة إبتدائية



العلاقات توترت بين فرنسا و تونس و العمية كانت أحد أسباب رجوع ديغول للحكم


الأسباب اللي نحترم حدث كيما هذا هي طبعا إحترامي لشهداء الحرية من الجانب التونسي و الجزائري، إلى جانب تقديري لمساعدة التونسيين للجزائرين في التخلص من الإحتلال الفرنسي حتى بعد الإستقلال، و التاريخ يشهد على التعاون بين البلدان العربية في المجال هذا

في إطار إحترامي للعباد اللي ماتت في القصف هذا، نرفض زادة أي حاولة تسييس للعملية أو تبني للشهداء من طرف حزب أو شخص معين، الشهداء الكل توانسة و الكلنا نقدروهم و نحترموهم

vendredi 5 février 2010

Touche pas à Tarek Kahlaoui

2 commentaires
Touche pas à Tarek Kahlaoui!
Parce que c'est un des meilleurs bloggueurs Tunisiens
Parce qu'il blogue avec son vrai nom
Parce qu'il ne se cache pas comme le font nos chers censeurs
Parce que c'est un universitaire et qu'il aurait du être bien accueilli dans son pays et on être censuré
Parce qu'il écrit dans différents médias internationaux et que ça pourrait nuire à l'image de la Tunisie
Parce qu'il est facile de contourner la censure
Parce que la censure est une insulte à l'intelligence de tout un peuple



Pour toutes ces raisons là, j'invite nos censeurs qui sont fans des blogs tunisiens de bien vouloir nous rendre la page de Tarek Kahlaoui

à bon entendeur...

mercredi 3 février 2010

Des étudiants en Prison: La faute à qui?

8 commentaires
Tout le monde ou presque est au courant sur la Blogosphère qu'une "campagne" de soutien aux étudiants en Prison a lieu en ce moment même (du 1 au 5 février 2010 plus précisément)

Outre le soutien symbolique que je manifeste par le biais de ce blog et de cet article, je ne peux m'empêcher de me poser certaines questions sur les raisons de la présence d'étudiants tunisiens dans les prisons, car j'estime que tout effet a une cause et toute réaction une action qui l'a produite. Je partage donc ces interrogations avec vous:

Tout d'abord, on va commencer par "écarter" une certaine hypothèse (ou plutôt la mentionner sans en parler), celle qui a été relayée par plusieurs étudiants, et qui suppose l'existence d'un complot politico-policier qui consiste en la mise en place de procès crées de toutes pièces juste pour emprisonner ces étudiants sur fond de règlements de comptes syndicaux ou/et politiques.
Personnellement, je ne vais pas commenter cette possibilité car elle serait plutôt grave (même ça existe ailleurs dans d'autres pays), et j'estime que ça ne servirait à rien d'en parler sur un blog car elle supposerait que notre système est définitivement défaillant. Bref, passons cette possibilité là, et venons-en aux faits, ou plutôt le fait, il y en un qu'un:


- Des étudiants tunisiens sont en prison


Dans "étudiants Tunisiens", je vois plein de choses: une idée plus que des personnes, je ne vois pas en eux QUE des justiciables ordinaires, des personnes qui peuvent commettre des erreurs et être hors la Loi, mais j'y vois deux principales qualités ou attributs:


* L'étudiant Tunisien est le résultat du travail de la société : Famille + Éducation


* L'étudiant Tunisien est le Responsable de demain


Quand je vois des étudiants en Prison (peu importent les raisons, syndicales, politiques ou autres) je me dis qu'il y a un souci, que même s'il faut blâmer certains étudiants pour des actes répréhensibles qu'ils auraient pu commttre, qu'il faut se poser des questions: La Tunisie n'est pas un pays riche et gâté par la Nature, notre superficie n'est pas énorme, mais quand même, on s'en sort très bien parce qu'on a misé sur notre intelligence et sur nos cerveaux, parce que Bourguiba avait décidé que l'éducation était le premier secteur"d'investissement". Tout ce que la Tunisie a, c'est ses enfants et leur talents et leur intelligence, voire des étudiants aller en prison me fait beaucoup de peine, c'est un signe que notre système éducatif a échoué (pour certaines personnes), que quand on lui a confié nos enfants, il (le système éducatif) n'a pas pu nous délivrer des personnes qui puissent bien se comporter et se tenir dans la société, et comme là, on constate un échec pour certains éléments, il serait très important de se tourner vers les causes de ces dérapages et de faire en sorte de les corriger pour ne plus avoir affaire à ce genre de problèmes dans le futur. Il est aussi important de se soucier pour l'avenir du Pays, car les étudiants sont les responsables de demain et si on n'est pas capables de régler ce problème on risque de se retrouver avec des soucis amplifiés et plus graves pour la société dans le futur.

C'est pour ça que je soutien les étudiants emprisonnés, non par "sympathie" ou "contre la justice", mais parce que j'estime qu'un étudiant ne doit pas "pouvoir" aller en Prison même s'il le veut, un étudiant est un pilier de la Nation, on doit lui imposer de bien se tenir, il ne doit se soucier de rien, ni logement, ni bouffe, ni transport, on doit lui garantir tout les moyens pour qu'ils puissent réussir ses études et travailler pour le bien de son Pays et du Peuple qui lui a permis de s'instruire.

Tous pour des étudiants libres, sur les bancs de leurs universités pour un meilleur avenir de notre chère Tunisie

mardi 2 février 2010

ديموقراطية؟ لا صحّة و بالشفاء

6 commentaires
الخرّافة هذا متاع الديموقراطية و الديموقراطية الناشئة و الطريق نحو الديموقراطية من أكثر الحاجات اللي تضربلي على السيستام، ما نعرفش علاش أما شخصيا من صغري تربيت على كره حاجة إسمها إستبلاه و إحتقار للعقول البشرية، يعني نحبذ أنو الإنسان يكون صريح معايا على أنو يبدى يعدي علي في وقيت خاطرو ما عندوش الشجاعة باش يقولي الواقع في وجهي



نرجعو لموضوعنا الأصلي اللي هو الديموقراطية، شنية العلاقة؟

باش نفسّر الحكاية هذي نحب نستشهد ب"غوته" الشاعر و الكاتب الألماني المعروف و اللي يقول بما معناه "يفقد الأمل في الحرية نهائيا كل شخص يتصور نفسه ـ على خطأ ـ حرا" يعني بلغة أخرى، إذا تتصور روحك مسلكها و أمورك في العنبر و إنت في واقع الأمر في الحضيض، ما عندك حتى أمل باش تحاول تغير وضعك على خاطر بالنسبة ليك ما فماش سبب باش تتبدل


هيا نحاولو من جهة أخرى نعرفو الديموقراطية، طبعا أول حاجة هي التعريف اللغوي اللي يقول أنو الحكم لل"ديمو" أو الشعب، و الديموقراطية طبعا هي جزء لا يتجزأ من حرية التعبير و العدالة و المساواة إلخ من القيم المطلقة اللي يطالب بيها و يفرضها أي شعب متحرر من طغيان ديكتاتور أو ملك

توة نشوفو الوضع في تونس كيفاش و كيفاش كان، في العهد البورقيبي كانت الخطاب السياسي يغيب عليه كلام من نوع ديموقراطية و تعددية، ممكن خاطر بورقيبة كان يعتبر أنو الشعب مازال ماوصلش للنضج الكامل باش يتحمل ديموقراطية، نقول يتحمل ديموقراطية على خاطر الديموقراطية ما تاقفش في الحقوق، لكنها فيها واجبات أهمها حسن إختيار القائد، إحترام الأخر و خاصة الأقليات (عرقية، دينية، سياسية)، إحترام الرأي الأخر، المهم أنو بورقيبة حاول إدخال نوع من التعددية في 1981 لكن المحاولة فشلت مبعد جاء الرئيس الحالي في 1987، إعترف بأهمية التعددية و الحرية إلخ و كيف كيف كانت عندو تجربة أولى فاشلة عام 1989 مع الخوانجية خاصة، و بعد سنوات من اللاتعددية (بن علي مترشح وحيد عام 1994، ما فهمتش علاش عملوها الإنتخابات العام هذاكا، ياخي ما كانوش متأكدين من إنتصارو)؟ بدات العملية الديموقراطية كما يحلو للنظام تسميتها تتبلور على أرض الواقع  و ذلك من خلال إنتخابات "تعددية" و نوع من حرية الصحافة، هذا من الناحية السياسية، لكن الناس الكل تعرف أنو السياسة هي مرآة الشعب و تجسد لفكرو و تطلعاتو، و لذا لازم نشوفو كيفاش تطبيقات الديموقراطية و الحرية في وسط المجتمع التونسي باش نطالبو بنظام سياسي يتناغم مع الحالة اللي أحنا فيها و ذلك سلبا أو إيجابا، و هذه بعض النقاط اللي متفق عليها في تونس



  التونسي يموت على الكرسي و على البلاصة متاعو تقولش عليها فون دو كومرس (أصل تجاري)، المسؤول يحب يبقى وين هو، الموظف العادي بالنسبة ليه النقلة ما تنجم تكون كان نقلة عقاب، البوليس اللي يشد رون بوان ماعادش يسيبو، حتى المعلم يفضل أنو يبقى يقري ديما نفس المستوى باش يرتاح، و البطال في قهوة بلاصتو يضرب عليها بالبونية و حتى اللي قاعد تحت حيط كيف كيف



رأي الأغلبية ما يتطبقش ديما، بل بالعكس، عادة ما يتطبق رأي المسؤول، الأمثلة عديدة، أولها العائلة بنظامها الباطريارقي اللي يقرر فيه رب العايلة كل شي ضد مطالب الأبناء و عند برشة صغار فمة نوع من الإمتنان و الفرحة وقت اللي الأب يوافق على حاجة ترضيهم، يعني رأي الأغلبية ما عندو حتى أهمية و طبعا للي يصير في النواة الأولى للمجتمع يتكرر في ميادين أخرى عديدة


المسؤول في تونس ما يتحاسبش إذا غلط، ولهنا ما نحكيش على الوزراء و إلا رجال الأعمال و غيرهم من 'المسهولين الكبار"، لكن عند التونسي البسيط، منطق "الليقة تجيب" منتشر عندنا بكثرة و كلمة "الله غالب" اللي ما عندها في الواقع حتى معنى ديني تحل المشاكل الكل و تسمح للإنسان باش يتهرب من تحمل تبعات الأخطاء متاعو


الخوف المبالغ فيه من كل من يفوقنا رتبة في كل المجالات، يكفي أنك تشوف العامل البسيط (بواب، عامل النظافة) كيفاش يتصرف مع رئيسو المباشر و يلقى روحو مجبور باش يقفف و يصب الماء على اليدين تقولش عليه هو اللي يقرر الشهرية تتصب و إلا لا في حين أنو الدولة عطاتو الأدوات باش يعيش بقدرو و بكامل إحترامو



التونسي يتولد و يكبر مقموع، موش خاطر فمة بوليس يجري وراه، أما خاطر يبدى يتطلفح من مؤسسة تسكير جلغة إلى أخرى، المروضة ما تحبش الصغار يكسرولها راسها بالحس، المعلم يحب يسمع صوت الذبانة في القسم، الأم و البو يحبو يتبعو الأخبار و المسلسل رايضيين و في الحومة ـ المتنفس الوحيد متاعو كيما يقول في كلام الليل ـ يلقى روحو مقموع ماللي أكبر منو، يعني الصغير تلقاه مبنك وحدو يضرب في راسو على الحيط خاطر نهار كامل ما نجمش يعبر على موقف متاعو و إلا مطلب مهم بالنسبة ليه


التونسي عندو حساسية من كلمة إسمها حياد، قصلو إيدو ما تقلوش كون محايد في إتخاذ مواقف و قرارات: في التعليم المعلم يتضامن مع العلم في أي مشكلة فيها تلميذ و كيف كيف التلامذة يساندو بعضهم ضد المعلمين؛ التآزر بين أفراد الجنس الواحد حاجة عادية عندنا، في ماتش الكورة ديما الأخر غالط و نكذب على روحي باش نقتنع أنو ضربة الجزاء و إلا الورقة الحمرة غالطة



النقطة الأخيرة و الأهم بالنسبة ليا هي الحرية، إذا الإنسان تعطيه حرية هي تونس، أول حاجة يعملها هي أنو يسب العباد الأخرين، أكبر مثال عندنا هو الكورة، تجي تحاول تحلل تشجيع الفرق، تلقى 20% أغاني للفريق و 80% سبان للفرق الأخرى، للجهات الأخرى إلخ، المثال الأخر و اللي يضحك برشة هو الصحافة، عوض أنهم على الأقل يدافعو على النظام (منطقيها دورهم نقدو، أما موش مشكلة) تلقاهم يدورها سبان في المعارضة و قذف و ثلب في غير محلو، خاطر التعبئة الجماهيرية الصحيحة تقوم على البناء الذاتي موش على رفض الأخر و نبذ أفكارو و حتى شخصو



تلخيص جزئي للي تقال : الفكر الديموقراطي بتفسيرو الشامل (حرية، تداول على السلطة، محاسبة، حياد) مازال ما هواش مترسخ في عقلية التونسي مما يفسر عدم وجود ديموقراطية مثالية في تونس وهو ما يعترف بيه النظام الحاكم من خلال إطلاق تسمية ديموقراطية ناشئة على نفسو


نحاول توة نربطو مقولة غوته بالوضع في تونس: أي إنسان يحاول يقنعنا أنو فمة ديموقراطية مثالية في تونس أو يحاول تفسير النقائص الموجودة في البلاد من خلال إعطاء ذارئع لا أساس لها من الصحة أو  تنم على سوء نية من خلال تعديد المشاكل الموجودة في بلدان "قديمة العهد بالديموقراطية" مثل فرنسا و الولايات المتحدة، أي موقف من هذا النوع عندو زوز خلفيات إيديولوجية: الأولى هي غياب أي نظرة سياسية محكمة و عقلية ليس بالإمكان أحسن مما كان أو ما يسمى بثقافة البلاط الثانية و اللي نعتبرها شخصيا أخطر هي إرادة إبقاء الوضع على ماهو عليه من خلال "تغطية عين الشمس بالغربال"، يعني العباد هذي تفضل بقاء التونسيين في مراتب متخلفة من الديموقراطية و الحرية تحت غطاء "الحق في ثقافة فريدة"، ترفض الإصلاح الجوهري و خاصة و أهم حاجة عمرها ما تلوم على الدولة  اللي مفروض عليها القيام بتطوير العقليات من خلال برامجها التربوية