Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

vendredi 23 octobre 2009

لماذا لن أصوت لبوشيحة

مبعد ما حكينا على مرشح التجمع الدستوري الديموقراطي و تفصيل الأسباب اللي تخلي المواطن التونسي ما يصوتلوش نهار الأحد، جاء دور مرشح الوحدة الشعبية محمد بوشيحة.
بالنسبة للعباد اللي ما عندهاش فكرة على الحزب هذا، لازم تعرفو أنو حزب تأسس عام 81 مبعد ما تحررت الساحة السياسية في تونس، توجهم السياسي إشتراكي، يعني يطالبو بتدخل الدولة في مجالات كبيرة كيما الشغل و التشغيل، يطالبو بتأميم أو إعادة شراء الشركات الكبرى اللي تم التفريط فيها كيما إتصالات تونس و معامل الإسمنت. عندهم برنامج جبائي صارم من أجل إعادة توزيع الثروة بصفة أكثر عدالة. كأي حزب يساري يحترم نفسو، عندهم مطالب جريئة و تستحق الذكر، مثل المطالبة بإلغاء الإعدام، المساواة التامة في الميراث بين الرجل و المرأة و شد عندك: يحبو يحلو اليوتيوب و الدايلي موشن (نتصور أنو على هذا بركة شطر الشباب يصوتلهم، برة قالو برلمان شباب). المهم، عندهم تصور عقلاني و علماني للمجتمع التونسي، ضد الأحزاب الدينية و يطالبو بتغيرات جريئة على مستوى القانون الإنتخابي التشريعي و البلدي من أجل إعطاء مجال أكبر للمعارضة في تونس. من النقاط المحترمة زادة عندهم هي الثقافة و التعليم و هذا مش غريب على اليسار التونسي. يقول القايل : ملا برنامج، باش يحلو الأنترنات و الديبي باش يطلع، الشهريات باش تقوى و باش يقضيو على البطالة، لكن ديويو، شخصيا نرفض الديماغوجية السمجة هذي و ذلك لأسباب عدة: * النظرة الدونية اللي يحملها الحزب لنفسو، حزب عمرو 28 عام و شارك في عدد كبير من الإتخابات ما عندوش الحق باش يعتبر نفسو مش أهل لتحمل مسؤولية بلاد كاملة، علاش مترشح مالا؟

* إحتقارو للشعب التونسي بقولو أننا مازلنا ما بلغناش مستوى التداول على السلطة و أنو مترشح فقط للتعبير عن رأيو السياسي المخالف، ياخي ما عندناش حرية تعبير في تونس باش تستنى الإنتخابات باش تحكي؟

* غياب طرق التمويل لبرنامج إنتخابي كبير برشة، أي إصلاحات جوهرية يمكن تبدل حاجة في البلاد لازمها برشة فلوس، و شخصيا إذا نستثني الإصلاحات الجبائية اللي باش تجيب برشة فلوس، ماشفتش أي حاجة يمكن تمول الإصلاحات هذي.

* البرنامج الإنتخابي ـ رغم محاولة تبرئ الحزب من هذا ـ لا يعدو كونو تعداد لنقائص الحكومة و في أكثر من مرة تحضر "نية" الإصلاح و تغيب الطريقة، فمثلا في تونس ما فماش مشكلة في قانون الصحافة لكن التطبيق و العقليات بعاد برشة عن متطلبات أي دولة فيها حرية تعبير.


* البرنامج الإنتخابي متاع الوحدة يمكن القول أنو متكامل و رغم إختلافي معاه في بعض النقاط، لكن نعترف أنو ما خلاش حاجة ما حكاش فيها. لكن 216 صفحة جاتني برشة، يعني كيف المواطن العادي (مش فاضي شغل كيفي) يحل الكتاب متاعهم أكيد باش يحس بالخوف و الإحباط باش يهرب منو، لذا أنا نتسائل عن سبب الإختيار هذا و نتصورو غير إعتباطي فالمطلوب من المعارضة الكرتونية أو القريبة من الحكومة هو إبراز نقائص الحكومة للعباد اللي عندها علم مسبق بهذا، بعبارة أخرى، البرنامج ماهواش موجه لعامة الشعب و مش باش يغير حاجة كبيرة في العقليات.
لهذه الأسباب و غيرها، أدعوكم لعدم التصويت للقائمة الذهبية، مانيش باش نطلب كيما عملت مع التجمع أنو الأنصار متاع بوشيحة يدافعو عن مترشحهم، خاطر ما شفت حتى واحد منهم لا على أرض الواقع لا على الأنترنت

3 commentaires:

  1. معيز ولو طاروا، مسألة التداول شرحناها بدقة في مقدمة البرنامج

    RépondreSupprimer
  2. لماذا لم تتوقف الحملة في 23 أكتوبر و واصلوا الحمر تخميراتهم و شطحاتهم
    http://manichaeus.blogspot.com/2009/10/blog-post_24.html

    RépondreSupprimer
  3. ...je fais pas partie du pup, mais j'ai voté pour leur programme justement. je pense qu'un parti politique peut jouer "les élections" avec des affiches et du barratin politique, mais c'est aussi bien, dans le cadre des "élections" comme telle que nous avons, d'être "sérieux" et "altruiste" dans son "programme". ce programme dépasse le parti, il donne mots aux balbutiements de la société civile tunisienne dans sa totalité. les propositions sont claires et sans enchères politiques.
    après, bien évidemment il faut vouloir et savoir lire. le problème de nos citoyens, et il ne fo pas les victimiser, est certes profond, mais ils en supportent une large responsabilité. d'ailleurs toi même tu parles du peuple et tu t'en extraits. tu te considère peut être de parmi les élites??? :)

    de ma part, je pense, que ce soit dans l'opposition que ce soit dans le parti au pouvoir, qu'on soit pour ou contre, on persiste malheureusement à se mettre en confrontation avec des personnages.. on est contre un personnage, ou on est pour un personnage.... alors qu'en réalité, tous les "personnages se ressemblent..."... moi personellement toutes, sans exceptions me donnent des déjà vu désagrables, de lieux de continents et de temps différents et une envie simplement de ne pas voter...
    Mais,
    Si on joue le jeu électoral, et c'est à mon avis le plus pertinent pour le moment, il faudrait apprendre à juger et évaleur et sanctionner les programmes... et l'abstention pourrait être une sanction parmi d'autres...mais contre un programme. c'est une manière de redonner sens aux élections justement. Sinon, et s'il s'agit de critiquer les personnages il faudrait peut être qu'on revoit notre appréhension générale du politique... même dans les pays à tradition "électorale", la lutte par personnages et slogans interposés a fini par faire du "politique" une maskharade...

    enfin pourkoi croire qu'un "simple" citoyen ne comprendrait pas ou aurait peur de tant de pages ou encore voterait seulement pour telle ou telle "chose" qui semblerait périphérique??? non au contraire il faudrait des programmes qui dépassent les slogans larges, il faut des programmes qui sont conçus comme support d'apprentissage politique pour ce "même" "simple" citoyen qu'on pourrait certes gagner plus facilement avec des slogans "simples", émotionnels ou encore révolutionnaires... il fo des programmes qui traitent de la réalité sociale comme priorité... et non des programmes politiques sur "le politique"..
    parler au peuple avec son langage c'est lui parler "tout court", mais pas sommairement: il fo argumenter par des chiffres, des lettres et des précisions; pourkoi prendre le peuple pour un con??????? ou un "simple"???????
    et puis... certes y a des degrés d'accès à l'évaluation objective de la réalité.. cela signifie qu'un programme pourrait satisfaire les spécialistes et connaisseurs comme les moins spécialistes et connaisseurs, dans les différents domaines traités. en général les programmes résoud le "problème" autrement... flirter avec le "peuple" sans le toucher bien évidemment en évitant les "spécialistes" au nom de ce même "peuple" sous entendu élites exclues , et au nom de non-élitisme.. aberrations! mais qui sont ceux qui élaborent les "bayanet" etc.... ? ben des élites "nationalisées" qui ne sont même pas des vrais connaisseurs ou spécialistes qui viennent du peuple et qui travaillent pour lui .. et dont les intérêts sont de toute façon bien loin de ceux du "peuple" "spécialistes y compris"..

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية