Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

jeudi 20 août 2009

رمضان جاء يا مرحبا!

هاهو سيدك رمضان جاء و مرحبا بيه، قالك شهر دين و تقوى و عبادة و هات من هاك اللاوي، أما أنا شخصيا عندي بعض المطالب الملحة للإخوان اللي يصيموا في رمضان أو يوريو في صيامهم :

ـ حكّوا كشُخكُم راكم عورتوا، الصيام ينتّن الكشخة، حتى ربكم قالها، معناها إذا كنت تحك سنّيك 3 مرات في النهار لازم تولي تحكّهم 6 مرّات توة، و إذا كنت كيما 90 % من التوانسة ما تسمع بفرشة الأسنان كان في الأعياد و العطل، تعمل مزية سكّر فمّك و ما تحكيش معايا، راني فديت كل نهار يصبح عليا واحد عينيا تضبب و نقشعر بكلي، زادة ها الحجة مالحيط و اللي تقول اللي بخرة صائم أطيب من ريح المسك، نذكركم أنو صاحب المقولة هذي هو رب الرمال لذا أنا مش معني بيها و نعتبر البخرة بخرة مهما كانت الظروف و الأسباب.

ـ حلّو عينيكم في الكياس، راهو موش خاطر طايحلكم السكر معناها تقصو علينا و تدخلو فينا و ما تحترموش قواعد الطريق و قيّد على سيدك رمضان، ماعندناش تأمين خاص برمضان ولا ميكانيسيان يصلح بلاش في رمضان.

ـ الخبز : راهو كي تبداو اتدزو في لعباد لربعة متاع لعشية باش تشريو الخبز و المغرب مع الستة ما ينجم يكون كان هبال، الخبز باش يبرد وقتها. حاجة أخرى، ما تشروش خبز ضاربو الهواء و الشمس نهار كامل، راهو مش باهيلكم.

ـ الخدمة و الإنتاجية، مانيش باش نحكي خاتر سينون باش نبدى نبكي و نغرّد

ـ الصلاة و الصيام : راهو كل واحد حر في حياتو : ما نصومش ولا ما نصليش حاجة تخصني وحدي، أنزعونا تعملو مزية.


أيا رمضانكم مبروك

5 commentaires:

  1. هذا الكل يا أرابستا ما عندو حتى دخل برمضان الموجود في الكتب ! وماعندكش الحق تحكي عليه على خاطر رمضان الكتب حاجة روعة غير بركة كعبتين و كعبة فسدوا اللعبة ..هههه

    RépondreSupprimer
  2. أرابستا
    أنت ما تعرفش اللي وقت اللي تفطر وإلا تعلن إفطارك قدام واحد صائم قاعد تحد له من حريته؟

    RépondreSupprimer
  3. @maheva bjeh rabbi kifech 9a3ed t7oddlou min 7orritou???????

    RépondreSupprimer
  4. Hsn,
    C'est ce qu'on dit, il parait. Moi même je voudrais bien savoir comment.:-)

    RépondreSupprimer
  5. ramadan, c'est le mois de la glandouille et de la branlette !

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية