Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

mardi 5 janvier 2010

حسابي على الفايس بوك

نحب نعلم كل أصدقائي على الفايس بوك أنو حسابي تم مسحو من قبل الفايس بوك بعد مساعدة من الأخوة الخوانجية (يرزيكم فيهم بجاه هالنهار السعيد) بسبب الجروب "لنقاطع الفايس بوك حتى يسمح بتعدد الزوجات"  اللي تفسخ هوة زادة (فاتحة على روح الفقيد عاد). لذا حبيت نعلمكم أني عملت كونت جديد، مرحبا بالناس الكل و معا نقضي على البهامة و التخلف و الرجعية و إلخ إلخ إلخ...

شكرا









4 commentaires:

  1. يا اربستا جيتك بجاه ربي تعطيني تعريف للخوانجية
    هل هم الي يحملو خلفية دينية في فكرهم و الا المطرفين و الا كل شخص مسلم

    ثاني حاجة هل انو اعتناق دين بهامة ؟؟؟منك نسمع سينو كان لحكاية هكة يولي عيب تحكي عالحرية

    ثالث حاجة علاش تختلق في اشكاليات موش موجودة في بلد الفرح الدائم كيما حكاية اربعة ازواج الي نظن انو المسالة موش ثابلة لطرح في تونس و تفضت من اك العام

    نشا الله نلقى عندك جاوب مقنع شكون يعرف بلكش نثتنع و نولي نحارب في البهامة معاك

    RépondreSupprimer
  2. أهلا تيتوف، أول حاجة و أهم حاجة هي أني شخصيا عملت الڨروب هذا من أجل الضحك فقط، يعني دون خلفيات عدائية ضد أي شخص معين، و يكفي القليل من الحياد باش تفهم مثلا أنو الخطاب موش موجه للتوانسة (مسلمين ولا غيرو). لكن البوكشطة ما عجبهمش الضمار هذا و رحلولي بصفحتي...
    بالنسبة لتعريف الخوانجية : هوما اللي يدينو بالولاء للفكر الإخواني المصري و بصفة عامة كل من يدعو إلى إقامة دولة على أسس دينية.
    بالنسبة لمحاربة البهامة يكفي أنك تعمل نظرة على ال 10 تدوينات الأخيرة متاعي باش تفهم أي نوع من البهامة قاعد نحارب

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية