Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

dimanche 14 juin 2009

الشيطان : بعَوْ باش نجي نعضّك!

عمك الشيطان هذا طلع شرير مش نرمال، قالك تبدى مبنّك في أمان الله في بيتك تقرى مثلا و يبدى واحد في بلاصة عالية يبدى يرغي و يعيط و يستدعي في العباد باش تجي تصلي، تقول إنتي هيا نمشي نعطي حق ربي ياخي يخرجلك هو من تحت السرير ولا مالخزانة و يبدى يزنّ عليك و يقلك سيب عليك راهي بيعة فاشلة. تولي إنتي تبطل و ترصيلك في الإخرة مبنك مع فرعون، بارّي وايت و روجي لومار يعملو بيكم في بابركيو...

زادة الشيطان ينجم يعملك مشكلة مع أمك هكة من غير سبب مش على خاطر إنتي معفط و تحب الكورة أكثر من أمك...

ضحكة 1

إبليس أكيد عامل إتفاقية مع المحامين خاترو يلز العباد باش تطلق و مايحبش شكون يبقى رايض في دارو...


ضحكة 2


الشيطان زادة عندو الأكتاف خاتر كي تبدى قطعة متعدية و لابسة روبة هو اللي ينفخ الريح باش تتهز و يطيح برشة حاجات من إيدين البنات اللي لابسين ديكولتي...

ضحكة 3

نتصور زادة هو اللي عاونني باش نكتب المدونة هذي و بالكشي عندو كونت على التن بلوغ باش يصوتلي على
الأرتيكل متاعي...

ضحكة 4


خلاصة القول : شي يأسف أنو العباد ديما تبقى تلوج على شماعة تعلق عليها أخطائها، الشيطان موجود على المستوى الشخصي و إسرائيل على المستوى العام، شخصيا ما نفهمش كيفاش إنسان ما يكونش مسؤول على التصرفات متاعو، كيفاش يحب يحطها في راس كائن خيالي باش يمنع منها، إذا إنتي معفط لحد أنك تبعث أمك تقضي في جراير ماتش كورة ولا ما تروحش تشوف صغيراتك خاتر طرح البولوت سخون برشة، برجولية السماح، المشكلة أنو العباد ماهمش مقتنعين بأغلاطهم و بالتالي ما يحاولوش يصلحوها. حالة و برة...

5 commentaires:

  1. أنا في بالي العكس هو اللي يصير
    الشيطان كلّ ما يعمل عملة خايبة يقول التوانسة وسوسولي هههه

    RépondreSupprimer
  2. le diable chez nous akahaw pour quoi les AMERICAINs ET LES PAYS DEVELOPER N'ont pas le BA3AW ET LE DIABLE CAR NOUS ON N'A PAS CONFIENCE FI RWA7NA NON PLUS 3AZIMA cé ca notre grand diable nous

    RépondreSupprimer
  3. فكرة التدوينة في اساسها تبدو منطقية

    اذ لا يعقل ان يقع تعليق الاخطاء بالغير، والمشكلة ليست في وجود الشيطان من عدمه، وانما في الهزيمة وضعف الارادة

    لان الامر سيان، اذ هو ضعف امام طرف، اكان شيطانا ام امام دواعي النفس

    بالمناسبة، الاسلام لايقول بوجود الشيطان فقط وانما يقول كذلك بدواعي النفس

    RépondreSupprimer
  4. واحد في بلاصة عالية يبدى يرغي و يعيط و يستدعي في" العباد باش تجي تصلي، "
    Turlututu chapopointu te dit ya arabasta addajjal : la yanfa3ou el3o99arou fi ma afssadahou eddaher ! ya fèced !
    ça sera mon dernier commentaire sur ce blog débile , promis juré ... Maintenant c'est confirmé : Arabasta tu n'es qu'un islamophobe sans cervelle ... Tout dialogue devient impossible avec ce genre de bloggueurs à deux sous. à dieu bande de dégénérés.
    Je m'en tape de vos conneries , j'ai autre choses à faire dans ma vie ... HOP ! JE ZAPPE !

    RépondreSupprimer
  5. Pourquoi un Muezzin a le droit de faire un appel à la prière ou l'église fasse sonner les cloches toutes les heures rien que pour nous faire chier? Les gens ne savent-ils pas qu'il faut prier? ça montre juste que par défaut l'homme est non pratiquant mais il faut le rappeler et le menacer sur le faut pour qu'il le fasse!

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية