Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

vendredi 5 juin 2009

طابور خامس و تفاهمنا، أما وينهم بقية الطوابير؟

الدنيا قامت و لم تقعد على الطابور الخامس و من لفّ لفّهم من المدونين التوانسة و على رأسهم المدعو عاشور الناجي، في قلب الدفاع فمة عياش مالمرسى و الزبراط يلعب تسعة و نصّ، قالّك "الشرذمة" هذي (تعجبني هالكلمة) تمثّل ا لطابور الخامس في تونس. قلت مادام الحكاية هكة، نمشي نعمل طلة على الويكي نثبت في أصل الكلمة هذي، يا سيدي قالك السبة و ما فيها، عام ككح، جماعة فاشيين في إسبانيا حبوا يهدو على مدريد اللي كانت وقتها تحت سيطرة الجمهوريين، الهجوم كان عن طريق أربعة محاور أو أربعة طوابير و من أجل إثارة البلبلة في صفوف الفريق المنافس و من أجل خلق الشوشرة و الإنشقاقات في الدفاع و في إطار الإصطياد في الماء العكر، راديو فاشية ف م خرجت إشاعة مفادها أنو فمة طابور خامس ديجا موجود على عين المكان (في مدريد بالنسبة للعباد اللي ضاعت)، الهدف من الإشاعة هذي هو إختراق الصفوف عن طريق زرع الشك بين أعضاء الفريق الواحد. هذا هو الإطار التاريخي متاع الطابور الخامس.
هيا توة نعملوا مقارنة بسيطة مع المدونات التونسية:

ـ شكون اللي قال اللي فمة طابور خامس؟
ـ شنوة الهدف من الحديث عن طابور خامس؟
ـ وينهم طوابير الفاشيين اللي قاعدين يهاجموا في البلاد؟
ـ كيفاش ناس تساند التيار الإسلامي تعتبر نفسها جمهورية؟
ـ الإخوة اللي قاعدة "تناضل"، يدافعوا على شنوة؟ شنية المكتسبات اللي خايفيين عليها؟

المهم، أنا شخصيا الناس هذي تفكرني بدون كيخوت و صراعو مع طواحين الهواء، أما هو على الأقل هبل في جرة القصص و الكتب اللي قراها، مش في جرة النايل سات و العرب سات، و هو زادة نفع شوية عباد في رحلتو، مش كيف جماعتنا...

5 commentaires:

  1. good post...http://schoolfine.blogspot.com/

    RépondreSupprimer
  2. UUUUh mezelt ghadi inti (la définition)? Ya3ni hethi bloughet ijaw n7alouha melloul? chay 7asilou koll wa7id ybill wou ya3jen min chira et en plus on prend même plus la peine d'avoir un peu d'imagination... wou la7dha bark haw mech yvotioulek haffs wou hajri wou ye7tmel wannable... puisqu'il ne s'agit plus que de cela.

    RépondreSupprimer
  3. شكرا على البوست الخفيف ...فعلا طواحين الريح تنبت كل يوم في أذهان العديد من المدونين الذين يعتقدون أنهم أعلى على كل شبهة وأنهم أولياء أمر الآخرين

    RépondreSupprimer
  4. "هو على الأقل هبل في جرة القصص و الكتب اللي قراها، مش في جرة النايل سات و العرب سات"

    :))))

    فضحونا الله يفضحهم

    RépondreSupprimer
  5. فعلا قوية برشة النقشةمتع النايلسات؟؟؟؟ أنا عندي نفس الملاحظة يا بيق و قلتها قبل.... الجماعة لو كان يدوروا الساتيليت للثور و الا للهتبارد تو تشوف خطابهم كيفاش يتبدل... ـ

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية