Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

jeudi 4 juin 2009

مغرب عربي موحّد؟ علاش لا؟

أول ملاحظة نحب نقولها هي أنو المدونات التونسية ما حكاتش على المغرب العربي الموحد في غرة جوان المجيد كيما العام اللي فات، ممكن لعباد فدت و الأزمة الإقتصادية العالمية مرّت على الأذهان، المهم، كنت نفكر في حكاية توحيد الدول المغاربية و قلت بما أنو الشعوب متاعنا قاعدة تصك في النوم و ما على بالها أش صاير و أش مش صاير، و بما أنو البلاد تباعت شقف و سلعة و أحنا ما على بالنا، قلت علاش ما نصدّروش للأشقاء المغاربين شقيق تماضر، هو ما بقالوش برشة حاجات تتشرى في تونس، يمشي يشوف أفاريات في بقية الدول، يشري النهر الصناعي متاع ليبيا، يولي المدير الرئيس العام متاع المجمع الشريفي للفسفاط، يعطيوه لزمة 99 عام على حوت موريتانيا، لازمو زادة يعمل ضربات بترول باش ما يحسش روحي دوني قدام جماعة الخليج. المهم يتحلّلو اللعب شوية توة تشوفو الرجال اش تعمل، توة يوحدهولكم المغرب العربي كامل و كان لزم توة يكمل ضربات مالسينغال و مصر!



اللهم اغنهم و افقرنا..اللهم زدهم و انقصنا..اللهم سفّرهم و امنحنا فرصة التلويح لهم بالمناديل

3 commentaires:

  1. لا الاه الا الله ! ...

    يزينا مالخرافات متاعك و الاوهام الفارغة ...

    سؤال وجيه : وحّدت الله قبل ما توحّد المغرب ؟

    RépondreSupprimer
  2. Salut toi, toujours hors sujet? Bienvenue en tout cas :)

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية