Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

lundi 8 juin 2009

إسلاموفوبيا : التشحتيف المادي نموذجا

فمة قارئ كريم للمدونة المتواضعة هذي أتحفني بالوصلة التالية


في ظل غياب الرادع قطعان الزنادقة يواصلون استهتارهم بعقائد التونسيين


لاحظت و بلا فخر أنو المدونة متاعي مذكوتة ثلاثة مرات، شي يفرهد الحق، المقال يحكي على القطعان الضالة و يبحث عن طرق غلق أفواهها، و يأكد أنو المدونين هذومة قاعدين يتلقاو في الدعم المادي من أطراف خارجية، ما نكذبش عليكم أنّي مانيش ضد التدوين بمقابل (هاهو القزوردي يعمل فيها، أشن ناقصني ءنا؟) و ما نحتقرش العباد اللي تربح فلوس مالكتيبة و مثلي الأعلى لهنا هو ميشال أونفري اللي يكتب في الشهر كتب فلسفة أكثر مني أنا في المدونة متاعي.

زيد على ذلك الأزمة المالية لعالمية و الوضعية المادية المزرية اللي تمر بها شعوب العالم الثالث، الواحد لازمو يفيق على وضعو و ياخو بايو ماللول حتى كان جاء ضرب عصا كيما يقولو.

لذا نتوجه لأصحاب القلوب الرحيمة و المتواطئة مع اللوبي البنغالي من أجل تحرير راس لمبوط و الأخوة بين الشعوب، نتوجهلها بنداء عاجل باش يمشيولي بعض حاجة كل مرة "نهاجم" فيها الإسلام، هو الحق كنت نتصور اللي مهاجمة فكرة مش كيما مهاجمة شخص أما يظهر لا، بصفتي مواطن بالخارج نقبل المنح بالدولار و اليورو و حتا بالدينار التونسي فماش ما نعمل دويرة و نلم سويقاتي.
زادة نطلب من جماعة البوكشطة اللي عندهم برشة فلوس باش يمشيو تفتوفة كل مرة نهاجم فيها المسيحيين و اليهود، ماهم ما يطيقولهمش ريحة، مستعد زادة نكتب مدونات بالفرنسية بالنسبة للعباد اللي ما تفهمش لغة الضاد.
نذكر زادة (رغم أنو مش هذا هو الموضوع متاعنا) اللي بصفتي معادي اللإمبريالية و ضد الحرب، إذن أنا بالطبيعة ضد أمريكا و ضد إسرائيل، كان تحبو ساعة ساعة تدوينة ما يقلقنيش، المهم السكة كيما يقولو ناس قبل.
ههههه

و شكرا على الدعم المادي للمدونة

6 commentaires:

  1. أنا ما فهمتش حكاية اللوبي؟؟؟؟ هاو طلع فيها لوبي الحكاية..ـ

    RépondreSupprimer
  2. لا ويطالب بجهاز حسبة على الطريقة الإسلامية زادة هههههههههههههههه

    RépondreSupprimer
  3. يزي بلا تفدليك يا عربستا وماتغلطش الناس

    انا المقال الي تحكي عليه قريتو والتمويل يلي يتحدث عليه متاع يقصد بيه متاع النساء الديموقراطيات ومركز الجاحظ متاع صلاح الدين الجورشي

    وهاذوكة معروف انهم يتلقاو في التمويل وماينكروشي

    RépondreSupprimer
  4. الموقع هذا زبدة الرجعيّة والسلفيّة متاع جربوعستان

    في انتظار يصدرو فينا فتوى ويقيمو علينا الحدّ نقوللهم تجربعو إنّا معكم متجربعون

    :))

    RépondreSupprimer
  5. @ anonyme : j'ai lu l'article et j'ai compris de qui il parlait, mais moi je lance un appel au lobby Athée pour qu'il me subventionne moi aussi, c'est tout :)

    RépondreSupprimer
  6. عرابيستا

    انا معاك زاده ماتنسانيش

    خاطر قاعد نقرالك في المدونة متاعك ونشارك احيان بالتعاليق، هاوكة قلبي كبير
    مانقلكش اعطيني برسنتاج كبير من التمويل الي باش تاخذو

    اما عينك ميزانك

    هههههههههههه

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية