القدافي يدعو للإسلام على طريقته

الأخ العقيد معمر القدافي قائد ثورة الفاتح من سبتمبر العظيم و رئيس الجماهيرية الإشتراكية العظمى الليبية قرر باش يعمل شوية تبشير ديني في بلاد الطليان و قام بجمع 200 فتاة من خيرة شابات إيطاليا باش يدعوهن للطريق السوي و الدين الحق، بعض المراقبيين قالو أنو نزع عنهن ثياب الكفر، عطاوه قبلة الإسلام و عطاهم عمود الدين شوية صور تعبر أكثر عن تمسك القدافي بدينو و رغبتو في نشرو

ماشالله عيني ما تضرو

زغرطو يا نساوين، سيدكم الماطري باش يحل بنك إسلامي وباش توليو تنجمو تاخذو قروض من غير ربا (صحيح يتكلف نفس الحاجة كيما البانكة العادية أما مش مشكلة).
من غير طول حديث : المقال :


Source : Businessnews.com.tn

A la Une
Les préparatifs vont bon train pour l’ouverture de la banque tunisienne Zitouna
31/08/2009


Les préparatifs vont bon train pour l’ouverture de la banque tunisienne Zitouna. Une banque spécialisée dans la finance islamique, indique son promoteur, le jeune homme d’affaires Mohamed Sakher El Materi.
Pour son lancement prévu au début de l’année 2010, la banque a consulté les plus grands cabinets internationaux et a fait appel aux plus grandes compétences. Son siège, sis aux Berges du Lac, est en cours de construction et sera achevé dans quelques mois, en vue du démarrage.
Mieux encore, Banque Zitouna est déjà en train d’implémenter son système d’information de global banking, le cœur-même de toute institution financière moderne, marquant ainsi, et avant même son démarrage, une longueur d’avance sur plusieurs banques tunisiennes. Ce système d’information choisi sera celui de Temenos, le même sélectionné par la BIAT et la BEST Bank.
En bref, et si l’on se réfère au texte ci-après envoyé par le management de Banque Zitouna à nos confrères de la revue Réalités, cette nouvelle institution financière envisage un démarrage en force.

Depuis l’obtention de l’agrément en janvier 2009, le fondateur et promoteur de Banque Zitouna, M. Mohamed Sakher El Materi, président du Groupe Princesse El Materi Holding, a mis tous les moyens humains, techniques et financiers nécessaires pour réussir ce projet.
«Partant du challenge de lancement de la banque qu’on s’est fixé dès le départ pour le premier trimestre 2010, nous avons toujours voulu donner à ce projet tous les atouts nécessaires à sa réussite et ce en faisant appel aux meilleures expertises internationales en matière de création et de lancement de nouvelle banque et principalement celles spécialisées dans la Finance islamique», dit en substance M. Mohamed Sakher El Materi.

Dans l’objectif de confirmer les orientations stratégiques tracées par son fondateur, Banque Zitouna a consulté les principaux cabinets internationaux de consulting (McKinsey, EuroGroupe, Arthur D.Little, Oliver Wayman…) et a retenu McKinsey & Company pour l’accompagner dans toute la phase de création et notamment pour le choix du Système d’Information.
La mission confiée à McKinsey a permis de décliner les axes stratégiques en matière de positionnement et targetting, gouvernance et organisation de la banque, ainsi que pour l’établissement du business plan sur les prochaines années.

Par ailleurs, la banque a consulté et comparé les offres des meilleurs providers mondiaux de Global Banking.
Parmi ceux-là, seuls Temenos, Iflex et Path Solutions proposaient des solutions conformes à la Finance islamique.
Dans un souci de prudence et d’optimisation, la banque a opté pour la solution T 24 de Temenos qui présente l’avantage d’être francophone, déjà utilisée par la BEST Bank (Banque Islamique off shore en Tunisie) et également en cours d’implémentation par la BIAT.

Notons que le processus de choix et de mise en place d’un Global Banking dure en moyenne 24 mois. Banque Zitouna a su mener la phase de sélection du Global Banking en un délai extrêmement court et le challenge est de conduire aujourd’hui le projet d’implémentation de son système d’information sur une période record de 8 mois.

Afin de réunir tous les éléments permettant de relever ce challenge, Banque Zitouna a constitué une équipe d’experts multidisciplinaires, disposant d’une riche expérience bancaire dans des banques en Tunisie et à l’étranger et a fait appel au Cabinet Altime Charles Riley pour l’accompagner dans la mise en place de son Système d’Information.
Banque Zitouna a déjà entamé la mise en place du Global Banking en tenant compte de toutes les spécificités tunisiennes liées à la réglementation bancaire, juridique et fiscale ainsi que par rapport aux différents interfaçages avec les systèmes nationaux de paiement, de télécompensation et de commerce extérieur.

Parallèlement au projet informatique, Banque Zitouna a déjà avancé sur différents chantiers en matière d’identité visuelle et de communication (confiée à un cabinet international), design et aménagement de ses agences bancaires, développement des produits et services, confection et montage juridique, recrutement des collaborateurs…

Par ailleurs, la construction du siège social de la Banque sis au Lac II, conçue sur sept étages avec une superficie de 8.000 m2 pouvant accueillir plus 600 collaborateurs, est déjà entamée et sera finalisée pour début 2010, soit un temps record de réalisation.

«Le projet dispose de forts atouts lui permettant d’avancer rapidement et à pas sûrs. Le challenge de la courte période de réalisation du projet est certes important, mais la motivation et le développement de nos équipes nous laissent confiants et rassurés quant au bon déroulement de cette phase de création…», conclut M. Mohamed Sakher El Materi.

http://www.businessnews.com.tn/BN/BN-lirearticle.asp?id=1087700

نفخات رمضانية 2

مبعد ما حكينا على سيدك رمضان من الناحية التلفزية، اليوا باش نعرجو على مسألة التغيرات اللي تطرأ على التونسي في هالشهر على مستوى الشارع و التجارة بصفة عامة.

مبعد مدة نسبيا طويلة ماعديت فيها حتا نهار رمضان في تونس، رجعت السنا و لاحظت برشة خور و زيادات كبيرة في التصرفات اللامعقولة لدى التوانسة.
مثلا الغش و عيني عينك زادة، الجزار اللي متعود نقضي من عندو حاول باش يبيعلي برشني على أساس أنو علوش رغم اللي بعبوصو، طابعو و الوبر اللي عليه ما يخليو حتا شك في أنو جدي، السيد بدى يحلف و يتكتف : " وراس سيدي رمضان علوش"، أكيد رمضان هذا مايكون كان شيباني في حومتو، الجزار الثاني كيف كيف، أما هذا عوّر، يقصلي في اللحم من نعجة و يقلي علوش، نقولو وينهم مخاصيه (الكعابر تقول إنتي)، يقلي لا نحيناهم، صحيح هو ساعات تلقى رجال منغيرهم أما مش لهالدرجة، كيف خوه هذا زادة يحلف و أنا نقولو "ياخي صايم إنتي؟" و هو يزيد يحلف، أيا قلت الدعوة فيا ناخو شوية حوت، مرشي الحوت نحلف عليه أغلى من متاع فرانسا، كيلو الكروفات (جراد البحر) على 30 دينار مثلا، و مبعد يجيني واحد يقلي شهر إستهلاك و شهاوي، ماكونشي تتشهى بعينيك و تموت بقلبك، شريت اللي لزم و تعدي للمغازة، في الواقع 4 مغازات درت عليهم في أخر المطاف، في كل واحدة لازم باش تلقى برشة حاجات ناقضين، الماء، الحليب، العضام، السكر باش نذكر كان الحاجات الأساسية، و في كل واحدة تشد الصف 30 دقيقة بالقليلة، لازم زوز ولا ثلاثة مالناس يحاولو باش يغموك في الصف، اللي دازا فيها كبيرة و هيى ما تفوتش 40 عام، صحيح الخمار يغطي الشعر الأبيض أما يبقى ديما العمر باين، و السيد اللي في يدو حاجة ولا ثنين و يحب يتعدى قبلك خاتر إنتي عندك شاريو، الحق أنا ما عنديش إعتراضات مبدئية على أنا نخلي ناس ذات أولوية تتعدى قبلي، أما موش بالسيف عليك، مش يجي ياقف قدامك، إنتي تقللو شبيك و هو يقلك، ماو عندي حاجة برك. التصرفات هذي منتشرة على طول العام في بلادنا أما تكثر بصفة غريبة في الشهر المعظم.
أيا مبعد ما شطر الدم اللي عندي تنحى تعديت على وسط البلاد باش نشري الخبز، رمضان من غير خبز مبسس و زيتون و مدور ما يجيش رمضان، شقان الفطر مع السبعة، أنا كنت قدام الكوشة الأربعة متاع العشية، نلقى روحي قدام ستاد رادس نهار الدربي، البلاد كاملة مصبوبة، على الجنب عركة بين زوز رجال و لا حد معبرهم، السبب فهمتو مبعد و كان يتمثل في عفسان واحد على رجل الأخر، و حسب العباد الموجودين، الخبز خرج 3 مراة و الزويز هذاك مزال يتعارك، شديت ما يمكن تسميتو بصف، كيف العادة مناوشات بين لعباد اللي تكره الدز و تحب تتسربى بسرعة، و الخوروطو اللي يحب يدز و يشمم صناناتو للإنسانية الكل، بقيت أكثر من نص ساعة نستنى، شطرهم باش نكتشفو اللي فما عباد واقفة على الكونتوار و دزني و ندزك و ماهومش قاعدين يشريو في الخبز، شريت أخيرا اللي لازمني مبعد ما خليت جزء من كرامتي قدام الكوشة، في طريق العودة للدار، كماين الغلة و نصابي الحلويات و الجبونات و المشروبات تحصى و لا تعد، و كي العادة الناس الكل تشري و تكدس، خلطت للدار، نلقى روحي نسيت الملسوقة...


يتبع

Tous aux abris, la guerre commence!!!

خسارة أنا كنت نتصوّر اللي رمضان من الأشهر الحرم، أما آش تحب تعمل، الناس اللي تهتري بالدين و متعصبة بيه هي أكثر ناس تجهلو.
أيا بخاطركم، خليني نفصع بجلدي خير ما يهبط عليا شهاب 4 ولا بدر 2

مرحبا بإنفلونزا الحلوف في بلادنا

يا سيدي زارتنا البركة و العاقبة لما أهم، على الأقل المرة هذي العدوى ما تمّش إلغائها بقرار رئاسي...

يجيك الرافل يا غافل

حدثني أبو جيشون قال : في تاريخ بلادنا المجيد، المليئ بالغريب و الفريد، لم يكن علينا يوما أكثر من هذا هذا الظلم الشديد، حيث نحكم بالنار والحديد، بوليسنا مرثسي و عنيد، عمر قوادنا أكثر من مديد، لكنهم في التلفاز يقولون أنه عهد مجيد، و منهم من يقول أنه بعد عشرين سنة مازال جديد. في بلاد الأمن و الأمان، حيث يموت و لا يحيى هنا الإنسان، حيث البشر يقتله النسيان، يعيش حياته أوضع من الحيوان، لم يكن للمظلومين الحق في الكلام، نقد الخليفة كان أعظم الأثام، ليس أكبر منه من حرام، فحقوق الإنسان عندنا الأكل و المنام، أما البلاد فقد أكل نصفها اللئام، و أشترى الأخر البقية في أقل من عام، أما أهل البلاد ففي الطين نيام، فجاء وزيرها يوما بفكرة شياطين، و قال و الله إني مطبقها في الحين، فسأله أحد المستشارين، ما فحواها يا إبن لينين، هل سننزلق أكثر لليمين، أم كعادتنا سنتقرب للإسلاميين، فإن أغلب الشباب لمذهبهم متبعين، و حرب العراق و غزة لم تزد إلا بلة في الطين، فأصبحو للجهاد طالبين، و لتفجير أنفسهم راغبين، و كانو لدراستهم و أهلهم تاركين، فقاطعه الوزير بحركة من اليدين، و قال كفني من هذا الأنين، إني لجاعل أهل البلاد متصادمين، بعد أن أجعلهم في الرعب عائشين، في جحورهم مختبئين، باقين فيها لأبد الأبدين، و سأخرج فيها كالشعرة من العجين، فأنا لن أقوم إلا بتطبيق القوانين، و أجعل كل الشوارع فارغيين، و سسنزل فيها نزول المنتصرين، نطوف و نحيي دون خوف من المحتجين، فقال المستشارون في صوت وحيد، ما فكرتك يا صاحب الفكر السديد، فقال في زهو شديد، نافخا أوداجه كالشيطان المريد، إني فارض عليهم حصصا إجبارية من التجنيد، سأسوقهم في باڨاتي بالنار والحديد، و أزجهم فيها كالغنم و العبيد، و أفرض عليهم ضروبا من العذاب الشديد. وبينهم من كان دون شغل أعداد كبيرة، هكذا نتخلص من مطالبهم الكثيرة، فدون عمل كانت حياتهم حقيرة، يبقون في القهوة أكثر من المجيرة، فمنهم من كان يخطط للقيام بمسيرة، و منهم من كان يحوك لنا المؤامرات الشريرة، و حتا في الفيراج حابيين يعملو الڨيرة، و رغم عيون حنوشتنا الكثيرة، و أذانهم الخبيرة، إلا أن كثرتهم جعلتنا في حيرة، فعوض جمعهم حويرة حويرة، لنجمعهم كلهم تحت تصرف أيادي خبيرة. فالجيش التونسي لهؤلاء الشراذم هو الحل، تدخل له رجلا تخرج منه بغلْ، تبدى لابس صباط عجل، تصك صباح و ليل المقرونة الفل، تبدى تعوم و تغطس في الطبعة و الرمل، مبعد شهير تبدى تخمم في حبل. أما بالنسبة للمشتغلين، و لإقتصاد بلادهم دافعيين، و حتى لدى الحاكم مشتغليين، فإنا لهم لمبزلين (أعتذر عن الكلمة)، و لوالديهم عاصرين، و لشهرياتهم أخذين، و جاعلينهم على الحديدة لسنين، فنحن في نقودهم طامعين، و لسنا عن البلاد مدافعين، فمالنا نحن و المجندين، و أين نحن من صحاح الوطنيين، فمن كانو ل"عامهم" مكملين، لم يكونو لفنون الحرب متعلمين، و لم يصبحو أكثر تونسيين، فهم لم يعرفو فيه إلا البستنة و المرمة و التكربين، و لم يكونا يوما لسلاح حاملين، بل منهم من أصبحو لبلادهم كارهيين، فقد كانو لحبيباتهم و أهلهم تاركين، أو لعمل صعب المنال تاركين. صفق المستشارون طويلا، بل وقفو للوزير تبجيلا، لكن أحدهم لم يجد الكلام جميلا، و طلب منهم السكوت قليلا، ثم وقف و قال في صوت أراده ثقيلا :

"إذا كان هذا هو الحل هذه السنة، فما الحل السنوات القادمة؟"

...

الصمت المطلق

الشيطان : بعَوْ باش نجي نعضّك!

عمك الشيطان هذا طلع شرير مش نرمال، قالك تبدى مبنّك في أمان الله في بيتك تقرى مثلا و يبدى واحد في بلاصة عالية يبدى يرغي و يعيط و يستدعي في العباد باش تجي تصلي، تقول إنتي هيا نمشي نعطي حق ربي ياخي يخرجلك هو من تحت السرير ولا مالخزانة و يبدى يزنّ عليك و يقلك سيب عليك راهي بيعة فاشلة. تولي إنتي تبطل و ترصيلك في الإخرة مبنك مع فرعون، بارّي وايت و روجي لومار يعملو بيكم في بابركيو...

زادة الشيطان ينجم يعملك مشكلة مع أمك هكة من غير سبب مش على خاطر إنتي معفط و تحب الكورة أكثر من أمك...

ضحكة 1

إبليس أكيد عامل إتفاقية مع المحامين خاترو يلز العباد باش تطلق و مايحبش شكون يبقى رايض في دارو...


ضحكة 2


الشيطان زادة عندو الأكتاف خاتر كي تبدى قطعة متعدية و لابسة روبة هو اللي ينفخ الريح باش تتهز و يطيح برشة حاجات من إيدين البنات اللي لابسين ديكولتي...

ضحكة 3

نتصور زادة هو اللي عاونني باش نكتب المدونة هذي و بالكشي عندو كونت على التن بلوغ باش يصوتلي على
الأرتيكل متاعي...

ضحكة 4


خلاصة القول : شي يأسف أنو العباد ديما تبقى تلوج على شماعة تعلق عليها أخطائها، الشيطان موجود على المستوى الشخصي و إسرائيل على المستوى العام، شخصيا ما نفهمش كيفاش إنسان ما يكونش مسؤول على التصرفات متاعو، كيفاش يحب يحطها في راس كائن خيالي باش يمنع منها، إذا إنتي معفط لحد أنك تبعث أمك تقضي في جراير ماتش كورة ولا ما تروحش تشوف صغيراتك خاتر طرح البولوت سخون برشة، برجولية السماح، المشكلة أنو العباد ماهمش مقتنعين بأغلاطهم و بالتالي ما يحاولوش يصلحوها. حالة و برة...

إسلاموفوبيا : التشحتيف المادي نموذجا

فمة قارئ كريم للمدونة المتواضعة هذي أتحفني بالوصلة التالية


في ظل غياب الرادع قطعان الزنادقة يواصلون استهتارهم بعقائد التونسيين


لاحظت و بلا فخر أنو المدونة متاعي مذكوتة ثلاثة مرات، شي يفرهد الحق، المقال يحكي على القطعان الضالة و يبحث عن طرق غلق أفواهها، و يأكد أنو المدونين هذومة قاعدين يتلقاو في الدعم المادي من أطراف خارجية، ما نكذبش عليكم أنّي مانيش ضد التدوين بمقابل (هاهو القزوردي يعمل فيها، أشن ناقصني ءنا؟) و ما نحتقرش العباد اللي تربح فلوس مالكتيبة و مثلي الأعلى لهنا هو ميشال أونفري اللي يكتب في الشهر كتب فلسفة أكثر مني أنا في المدونة متاعي.

زيد على ذلك الأزمة المالية لعالمية و الوضعية المادية المزرية اللي تمر بها شعوب العالم الثالث، الواحد لازمو يفيق على وضعو و ياخو بايو ماللول حتى كان جاء ضرب عصا كيما يقولو.

لذا نتوجه لأصحاب القلوب الرحيمة و المتواطئة مع اللوبي البنغالي من أجل تحرير راس لمبوط و الأخوة بين الشعوب، نتوجهلها بنداء عاجل باش يمشيولي بعض حاجة كل مرة "نهاجم" فيها الإسلام، هو الحق كنت نتصور اللي مهاجمة فكرة مش كيما مهاجمة شخص أما يظهر لا، بصفتي مواطن بالخارج نقبل المنح بالدولار و اليورو و حتا بالدينار التونسي فماش ما نعمل دويرة و نلم سويقاتي.
زادة نطلب من جماعة البوكشطة اللي عندهم برشة فلوس باش يمشيو تفتوفة كل مرة نهاجم فيها المسيحيين و اليهود، ماهم ما يطيقولهمش ريحة، مستعد زادة نكتب مدونات بالفرنسية بالنسبة للعباد اللي ما تفهمش لغة الضاد.
نذكر زادة (رغم أنو مش هذا هو الموضوع متاعنا) اللي بصفتي معادي اللإمبريالية و ضد الحرب، إذن أنا بالطبيعة ضد أمريكا و ضد إسرائيل، كان تحبو ساعة ساعة تدوينة ما يقلقنيش، المهم السكة كيما يقولو ناس قبل.
ههههه

و شكرا على الدعم المادي للمدونة

طابور خامس و تفاهمنا، أما وينهم بقية الطوابير؟

الدنيا قامت و لم تقعد على الطابور الخامس و من لفّ لفّهم من المدونين التوانسة و على رأسهم المدعو عاشور الناجي، في قلب الدفاع فمة عياش مالمرسى و الزبراط يلعب تسعة و نصّ، قالّك "الشرذمة" هذي (تعجبني هالكلمة) تمثّل ا لطابور الخامس في تونس. قلت مادام الحكاية هكة، نمشي نعمل طلة على الويكي نثبت في أصل الكلمة هذي، يا سيدي قالك السبة و ما فيها، عام ككح، جماعة فاشيين في إسبانيا حبوا يهدو على مدريد اللي كانت وقتها تحت سيطرة الجمهوريين، الهجوم كان عن طريق أربعة محاور أو أربعة طوابير و من أجل إثارة البلبلة في صفوف الفريق المنافس و من أجل خلق الشوشرة و الإنشقاقات في الدفاع و في إطار الإصطياد في الماء العكر، راديو فاشية ف م خرجت إشاعة مفادها أنو فمة طابور خامس ديجا موجود على عين المكان (في مدريد بالنسبة للعباد اللي ضاعت)، الهدف من الإشاعة هذي هو إختراق الصفوف عن طريق زرع الشك بين أعضاء الفريق الواحد. هذا هو الإطار التاريخي متاع الطابور الخامس.
هيا توة نعملوا مقارنة بسيطة مع المدونات التونسية:

ـ شكون اللي قال اللي فمة طابور خامس؟
ـ شنوة الهدف من الحديث عن طابور خامس؟
ـ وينهم طوابير الفاشيين اللي قاعدين يهاجموا في البلاد؟
ـ كيفاش ناس تساند التيار الإسلامي تعتبر نفسها جمهورية؟
ـ الإخوة اللي قاعدة "تناضل"، يدافعوا على شنوة؟ شنية المكتسبات اللي خايفيين عليها؟

المهم، أنا شخصيا الناس هذي تفكرني بدون كيخوت و صراعو مع طواحين الهواء، أما هو على الأقل هبل في جرة القصص و الكتب اللي قراها، مش في جرة النايل سات و العرب سات، و هو زادة نفع شوية عباد في رحلتو، مش كيف جماعتنا...

نكتة اليوم : زغلول النجار و النجم الطارق

ههههههههه

عمري ما كنت نتصور الّي فمّة عباد يجد عليها هالخنّار، أمّاشوفو التعليقات متاع الجموع شنية : شي يعمل العار، قالّك فمة صوت يتعدى في فراغ الفضاء!

العلم منكم براء و العقل منكم براء! يا أمة ضحكت من جهلها الأمم! إلى مزبلة التاريخ يا من كرمتكم الطبيعة بعقل فأهملتموه و أنجرفتم وراء الخرافات و الأراجيز!