عاجل : عمر بانجو بلع سبادري

بلغنا للتوّ إنتقال السيد عمر بانجو إلى جوار الرفيق الأعلى بعد أربعين سنة من العمل و التفاني من أجل خدمة الوطن الغابوني، أربعة عقود من الديمقراطية و الحرية و التفاني و التعددية و التداول على الحكم. الخبر هذا موجود على موقع جريدة لوبوان الفرنسية.

السؤال اللي يطرح نفسو : شكون باش يشد في بلاصتو؟

* مرتو
* ولدو
* نسيبو


بإمكانكم التصويت عبر التعليقات على ها التدوينة :)

طابور خامس و تفاهمنا، أما وينهم بقية الطوابير؟

الدنيا قامت و لم تقعد على الطابور الخامس و من لفّ لفّهم من المدونين التوانسة و على رأسهم المدعو عاشور الناجي، في قلب الدفاع فمة عياش مالمرسى و الزبراط يلعب تسعة و نصّ، قالّك "الشرذمة" هذي (تعجبني هالكلمة) تمثّل ا لطابور الخامس في تونس. قلت مادام الحكاية هكة، نمشي نعمل طلة على الويكي نثبت في أصل الكلمة هذي، يا سيدي قالك السبة و ما فيها، عام ككح، جماعة فاشيين في إسبانيا حبوا يهدو على مدريد اللي كانت وقتها تحت سيطرة الجمهوريين، الهجوم كان عن طريق أربعة محاور أو أربعة طوابير و من أجل إثارة البلبلة في صفوف الفريق المنافس و من أجل خلق الشوشرة و الإنشقاقات في الدفاع و في إطار الإصطياد في الماء العكر، راديو فاشية ف م خرجت إشاعة مفادها أنو فمة طابور خامس ديجا موجود على عين المكان (في مدريد بالنسبة للعباد اللي ضاعت)، الهدف من الإشاعة هذي هو إختراق الصفوف عن طريق زرع الشك بين أعضاء الفريق الواحد. هذا هو الإطار التاريخي متاع الطابور الخامس.
هيا توة نعملوا مقارنة بسيطة مع المدونات التونسية:

ـ شكون اللي قال اللي فمة طابور خامس؟
ـ شنوة الهدف من الحديث عن طابور خامس؟
ـ وينهم طوابير الفاشيين اللي قاعدين يهاجموا في البلاد؟
ـ كيفاش ناس تساند التيار الإسلامي تعتبر نفسها جمهورية؟
ـ الإخوة اللي قاعدة "تناضل"، يدافعوا على شنوة؟ شنية المكتسبات اللي خايفيين عليها؟

المهم، أنا شخصيا الناس هذي تفكرني بدون كيخوت و صراعو مع طواحين الهواء، أما هو على الأقل هبل في جرة القصص و الكتب اللي قراها، مش في جرة النايل سات و العرب سات، و هو زادة نفع شوية عباد في رحلتو، مش كيف جماعتنا...

مغرب عربي موحّد؟ علاش لا؟

أول ملاحظة نحب نقولها هي أنو المدونات التونسية ما حكاتش على المغرب العربي الموحد في غرة جوان المجيد كيما العام اللي فات، ممكن لعباد فدت و الأزمة الإقتصادية العالمية مرّت على الأذهان، المهم، كنت نفكر في حكاية توحيد الدول المغاربية و قلت بما أنو الشعوب متاعنا قاعدة تصك في النوم و ما على بالها أش صاير و أش مش صاير، و بما أنو البلاد تباعت شقف و سلعة و أحنا ما على بالنا، قلت علاش ما نصدّروش للأشقاء المغاربين شقيق تماضر، هو ما بقالوش برشة حاجات تتشرى في تونس، يمشي يشوف أفاريات في بقية الدول، يشري النهر الصناعي متاع ليبيا، يولي المدير الرئيس العام متاع المجمع الشريفي للفسفاط، يعطيوه لزمة 99 عام على حوت موريتانيا، لازمو زادة يعمل ضربات بترول باش ما يحسش روحي دوني قدام جماعة الخليج. المهم يتحلّلو اللعب شوية توة تشوفو الرجال اش تعمل، توة يوحدهولكم المغرب العربي كامل و كان لزم توة يكمل ضربات مالسينغال و مصر!



اللهم اغنهم و افقرنا..اللهم زدهم و انقصنا..اللهم سفّرهم و امنحنا فرصة التلويح لهم بالمناديل

ناقصات عقل و نصّ

في إطار جولاتي اليومية على منتديات البوكشطة، شوفو أخر نكته نلقاها، بصراحة لو كنت أنثى و نقرى حاجة كيما هكة، مانتصورش أنو يقلقني يقولو علي ناقصة عقل ولا ذهن، أيا "قراءة ممتعة"

شاع بين الناس أن عقل ابن آدم في رأسه .. والصواب أنه في قلبه!

قال تعالى:( وَلَقَدْ ذَرَأْنَا لِجَهَنَّمَ كَثِيراً مِنَ الْجِنِّ وَالْأِنْسِ لَهُمْ قُلُوبٌ لا يَفْقَهُونَ بِهَا).

وقال تعالى:( أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ )

فرد عقل الأشياء إلى القلوب التي في الصدور .. وليس في الرؤوس!

وقال تعالى:( أَفَلا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا ) .

فرد تدبر القرآن وفقه آياته إلى القلوب .. وذمهم بأن قلوبهم مقفلة مغلقة لا تفقه شيئاً!

وقال تعالى:( إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ ).أي لمن كان له عقل الذي في القلب.

قال ابن حجر في الفتح: قال المفسرون: أي عقل، وعبر عنه بالقلب لأنه محل استقراره ا- هـ.

قال علي ابن أبي طالب :" إن العقل في القلب، والرحمة في الكبد، والرأفة في الطحال، والنَّفس في الرئة "
.
فإن مات القلب بالكفر والشرك مات معه العقل ولم يعد يفقه شيئاً، كما قال تعالى عن المشركين:( وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ ) .

فنفوا عن أنفسهم أن يكون لهم عقل يعقلون به حقيقة الأشياء وغاياتها .. إذ لو كان لهم عقل لما كانوا في أصحاب السعير!

وغيرها كثير من الآيات في القرآن الكريم التي تصف المشركين بأنهم لا يعقلون .. ولا يفقهون .. ولا يعلمون.

فإن قيل: كيف نفسر هذا الشعور في الرأس عندما نقدم على حل مسألة من المسائل أو مشكلة من المشاكل ..؟!

أقول: هذا الشعور الذي نجده في الرأس .. هو عمل الذهن الذي في الدماغ .. ووظيفته تنتهي عند تفسير ظواهر الأمور دون الاهتداء إلى حقيقتها وباطنها وغاياتها، كما قال تعالى عن المشركين:( يَعْلَمُونَ ظَاهِراً مِنَ الْحَيَاةِ الدُّنْيَا وَهُمْ عَنِ الْآخِرَةِ هُمْ غَافِلُون).

فالذهن الذي يقتصر عمله على ظاهر الحياة الدنيا .. يستوي فيه الكافر والمسلم .. أما العقل الذي في القلوب الذي يفقه حقيقة الأشياء وغاياتها .. ويهتدي إلى التزامها .. فهو مقصور على المؤمنين دون غيرهم ..!
فالكافر له ذهن .. وليس له عقل!

من هنا ورد النهي عن وصف الكافر بأنه عاقل .. أو أن يُقال عنه ما أعقله .. أو عنده عقل ونحو ذلك من الاطلاقات الشائعة على ألسنة عوام المسلمين .. وبعض خواصهم

!!


http://al-shouraa.com/vb/showthread.php?t=2083




فمة دعاء بالتونسي يقول : "الله يحبس علينا العقل و الدين"، و قيل الجماعة هذومة الدعاء متاعهم مستجاب و العقل حبس ضربة وحدة :)
ههههههههههه

عمربانجو باش يبلع سبركة عن قريب

عمر بانجو بالنسبة للعباد اللي ما تعرفوش هو رئيس جمهورية الغابون الديموقراطية الشقيقة، السيّد هذا يحكم ليه قرابة 40 سنا، بالضبط من 1967 و هو زادة ثاني رئيس للغابون منذ الإستقلال. معروف بحُبّو للديموقراطية و التداول على الحكم، يكره السرقة و ما يصرفش أموال الشعب و عمرو ما حط واحد من أقاربو في منصب عالي في الدولة (الدفاع مثلا). معرّس مرتين زادة...


يا سيدي عمك عمر هذا مريض في حالة الموت لدرجة أنهم هزوه يداوي في إسبانيا، و قالك زادة اللي الشعب الغابوني قاعد يستنى بالدقيقة و الدّرج في أخبار رئيسو المحبوب أبقاه الله ذخرا للبلاد و العباد و حرسه من كل مكروه. العباد غادي تالمون ربّاو عليه الكبدة مدة أربعين سنة، متأكد اللي فما برشة عباد باش تموت بالحسرة على رئيسها المفدى...


خلاصة القول شنية؟ :
* العشرين عام الأولة ميزيرية و الثانية يتعوّدو...
* ماعادش يبطاو في كينيا زادة ...
* أعمل كيف جارك ولّا حوّل باب دارك...
* كلّنا في الهوى سوى...
* الشنقة مع الجماعة خلاعة...

و ديما يمشي :)