Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

jeudi 25 février 2010

رسالة مفتوحة إلى عمّار و شركائه

اليوم، و بعد تفكير عميق، قررت باش نرفع لحضرة جنابك رسالة خاصة، أنا شخصيا فديت كيما قلت في تدوينة سابقة، ولينا في البلوغوسفار جمعية تضامن، كل نهار و مدونة تتحجب و الناس الكل تبقى تخمم علاش، الشي هذا ما يليقش بينا أحنا كمدونين، خاطر موش معقول يتم إعتبار كلامنا ضار للتوانسة و ما يلزمش يسمعوه، كيف كيف الحجب فيه نوع من الإحتقار للعباد اللي قاعدين إنتوما تقررو في بلايصهم شنوة لازم يتقرى و شنوة اللي موش لازم، ثالثا، نتصور أحسن بالنسبة للعباد اللي قاعدة تخدم في الخدمة هذي باش ترتاح من مشكل هالمدونات


شخصيا نعتبر ما يسميه التوانسة بعمار بصفة هزلية ما هو إلا جهاز رسمي قاعد يتحكم في الأنترنات، نقول جهاز رسمي خاطر إذا وصل الرئيس تدخل و رجع الفايسبوك، الأمر أكيد تعطى لقسم معين، يعني فمة عباد قاعدة تتصرف حسب قواعد معينة و نشكر بالمناسبة الناس اللي قاعدة تخدم خاطرهم عمرهم ما خذاو الأمر بصفة شخصية رغم السباب و الشتائم اللي توصلهم ساعات


بإختصار، شخصيا نتصور أنو فمة قواعد متاع حجب في تونس، مثلا الثلب و القذف العلني، البورنوغرافيا، نشر الإشاعات المعرضة، الإصطياد في الماء العكر، إثارة البلبلة، الدعوة إلى قلب النظام، أو حتى (حسب ما فهمت من حميدة) نشر صور موتى في الفيضانات، المطلب الشخصى متاعي هو الأتي: شنية الأسباب اللي تخلي تدوينة تتصنصر؟ شنوة الواحد لازمو يعمل باش ما يوليش 404؟ أنا شخصيا عامل كيف بمدونتي و ما نحبش يجي نهار تتصنصرلي وقت اللي كنت نجم نتجنب الحجب. كونو معانا في المستوى و فسرولنا علاش قاعد يصير الحجب نكون معاكم أحنا باهيين زادة و نجنبوكم برشة خدمة زايدة تصرفو، ألقاو طريقة توصلولنا بيها المعلومة المهم ما تخليوناش في المحلول و في التعتيم، نحبو حاجات واضحة و صريحة




ولكم سديد النظر و تقبلو مروري بكل أخوية

11 commentaires:

  1. Arabasta
    نصيحة وأنت لا تحتاج لناصح متقولش عامل كيف بمدونتي على خاطر كلمة السر صارت
    صنصر حرية الكيف وصنصر الضحكة وصنصر كل شيء أو شخص قرّر باش ما يكونش نسخة مطابقة للأصل لكراس شروط عمّار وشركائه.

    RépondreSupprimer
  2. Il n'y aura pas de réponse :)

    Mais sinon personnellement je ne remercierait personne pour ce "travail". Il est clair qu'ils agissent de façon arbitraire, ils ne peuvent et ne veulent pas répondre quant aux "critères de la censure". Au meilleur des cas on va te dire que c'est "pour notre bien", comme tout bon parent qui se respecte et qui veut élever ses enfants sur la "bonne voie" sans lui expliquer les raisons.

    RépondreSupprimer
  3. شو اك المدونة تع زبي عاد لي عامل عليها كيف ههه
    تي كان يصنصرك عمار يربح فيك ثواب يانمي

    RépondreSupprimer
  4. الانونيم الاخير : لتو ما تعلّمت كيفاش تحكي مع اسيادك يا كلب ؟؟؟ :)))

    RépondreSupprimer
  5. لازمك ما تكتبش تدوينات كيما هاذم... اتو تسلكها

    RépondreSupprimer
  6. على من تقرأ زبورك يا داوود عمار صاحب الحمار يحظز من يختار يريدك ان تبكي مدرار تنظر في امرك و تحتار تغضب حتى تنهار فتدون ما لا يثار في شارع و لا دار فتبلغ مصاف الكبار يومها تعرف ان التوسل للحمار يجلب لك العار فنكتب على كل جدار سجل انا ارابستا و رقم بطاقتي ....فتركل الحمار حتى يسرع في المسار بعيدا عن الاحرار النار بالنار فان لم تفهم معنى الحوار معناه انت ايظا حمار

    RépondreSupprimer
  7. blida ka3bet l anonyme... jme3et libka tebki, jma3et "etsansir" (wallahi ma fibelichi kelma 3arabya ya arab-basta) cheykha, el7assel kemmel ebki khir, themma jmou3 etkachakh woukhrin khayfin... 7ouyess efhim chkoun chkoun enkhalik enti ou rissalatek elmaftouha... ki tafta7ha barcha toukhrij minha erri7a. essrond l9a tari9ou taw tisma3 bih 3an 9arib

    RépondreSupprimer
  8. انا من قال على من تقرا زبورك قول لمن شتم ارابستا يا أولاد يا صغار يا انذال يا احقار ستولون الادبار يوم اخرج لكم في وضح النهار فلا تستطيعون فرار يومها اخذ بالثار فأعلقكم من الاشفار و ترمون في ابار لا تخرجون منها مهما طالت الاعمار

    RépondreSupprimer
  9. Ammar agit sans parler et vous (les bloggueurs) parlez sans agir ...si par exemple vous décidez de le court-circuiter , en publiant systématiquement dans tous les blogs de la tunisphére , les posts de blogs censurés , et notamment celui pour lequel il a été censuré .... vous croyez qu'il osera censurer tous les blogs ???

    RépondreSupprimer
  10. 90% des blogs tunisiens ne servent a rien sans ammar. c bien de l'entretenir ya 17

    RépondreSupprimer
  11. @ Anonyme17: Il y a deux voire trois principales raisons de l'absence d'une telle action
    - Techniquement, c'est pas très facile de recopier tout article d'un blogueur censuré (il y a parfois des vidéos etc...)
    - Côté contenu, tout le monde n'a pas envie obligatoirement de publier tout article de blogueur censuré (la censure est politique, les blogs ne le sont pas)
    - Il se trouve que la censure touche que des articles et non pas "Le Blog", parfois des blogueurs changent d'adresse tout en changeant de style et de ton et ça marche (c'est malheureux mais c'est comme ça)
    @ Dernier anonyme : c'est trop facile de généraliser comme ça, si c'était vrai, ils n'auraient jamais été censurés, et en plus, même si ça avait été le cas, par quoi tu expliquerais la censure de page FB (qui par définition ne servent pas à grand chose)?

    RépondreSupprimer

قبل ما تعلق على التدوينة تعمل مزية ترحّم على روح الشهداء و أشكر الثورة المباركة اللي خلاتك تنجم تكتب أش تحب منغير ما تبدى تتلفت وراك شكون قاعد يقرالك، تذكر زادة اللي كان أنا نسكت و إنت تسكت البلاد تعاود تدخل في حيط، لذا عبّر أختي/خويا بكل حرية و بكل مسؤولية