لماذا لن أصوت لبن علي

في "طنبك" الحملة الإنتخابية، اللي، والحق يقال، شفنا فيها برشة حاجات تعجب، أولها مطالب مرشحي المعارضة اللي تستحق التقدير بسبب قطيعتها مع الخطابات الخشبية السابقة و اللي كانت تتلخص في "الرئيس القديم تحفوووون برشة، أما تعملو مزية صوتولي أنا"، إذن المرة هذي ـ وهو شيئ يحسب للحكومة الحالية ـ المعارضة كان عندها صوت أقوى و حضور معتبر.

عملا بالمثل القائل أنو السياسة هي إختيار دائم بين أقل الضررين، قررت باش نعمل دورة و نشوف روحي علاش مانيش باش نصوت لمترشح أو لأخر. في الجزء الأول باش نشوفو علاش ما نصوتوش لبن علي مرتشح التجمع الدستوري الديموقراطي:
* 

مدة 22 عام الرئيس قدم ما عندو للبلاد، بحسن نية نتصور، و نعتبر أنها مدة كافية لتطبيق نظرة سياسية للبلاد. بعبارة أخرى نشوف أنو ماعاد ماعندو ما يزيد بصفة نوعية، فالفرصة توفرتلو بما فيه الكفاية

*

أنا ضد التداول على السلطة من أجل التداول على السلطة، لكن ديما تبديل السروج فيه راحة، وكيما قلت قبل، تغيير الرئيس يعطي شحنة معنوية للبلاد و يخرجها من أي سبات أو تراخي كانت فيه

*

الرئيس بن علي و التجمع الدستوري عملو خطأ إستراتيجي و عمرهم ما قدمولنا أشخاص تنجم تشد الدولة مبعد بن علي (الدستور يمنعو من الترشح في 2014)، يعني في الحكومة و الحزب لا توجد طموحات رئاسية لإي شخص كان. لا يمكن إنكار وزن التجمع في تونس، لكن حزب ينسى نقطة كيما هذي لازمو إصلاح و تغيير

*

فشل الحكومة الذريع في الحد من ظاهرة البطالة و هذا نتيجة لسياسة التعريب و تخريب المنظومة التعليمية في تونس، يجب إنقاذ ما يمكن إنقاذه للحفاظ على إمكانيات إصلاح شاملة في البلاد

*

فشل الدولة في إحتواء المد الإسلامي، جعل الإسلاميين ضحية في حين أنو الخطأ فيهم هوما، إنتشار الحجاب و اللحي و لذا يجب الإقتراب أكثر للعلمانية و هو ما لم يفعله بن علي طيلة حكمه

*

رغم المحاولات الإصلاحية في مجال الإعلام، فإنو الدولة لم تفعل شيئا لتغيير العقليات، فمثلا على قناة حنبعل، النشاط الرئاسي يدوم أكثر من النشاط الرئاسي على تونس 7

*

عقلية تمجيد شخص الرئيس و تقديسه، ففي أول فترات حكمه كان بن علي يجيب من يقول "يحيي بن علي" ب "لا، تحيا تونس" و الأن أصبح بن علي "الخيار الأوحد" لكل هذه الأسباب الموضوعية البعيدة عن الثلب و التجريح، شخصيا أرفض التصويت لبن علي في 2009. و لإنه من شبه المؤكد إنتصاره في هذه الإنتخابات، فإني أتمنى أن أراه يسهر شخصيا على إعداد من سيخلفه في 2014 ليثبت لنا حقا حبه لهذا الوطن. 


ملاحظة : إلى كل التجمعيين، الباب مفتوح لملاحظاتكم و أجوبتكم على 
إنتقاداتي

ملاحظة 2 : بعد إنتهائي من قرائة كتاب الوحدة الشعبية (216 صفحة) سأعود بمقال تحليلي للمترشح بوشيحة