Libre-penseur, rationaliste et humaniste, je me définis comme un optimiste
qui a une grande foi en l'Homme et ses capacités à faire du bien, mais ne néglige pas
les dangers que peuvent générer tous les obscurantistes du monde entier...

mardi 23 juin 2009

مرحبا بإنفلونزا الحلوف في بلادنا

0 commentaires
يا سيدي زارتنا البركة و العاقبة لما أهم، على الأقل المرة هذي العدوى ما تمّش إلغائها بقرار رئاسي...

jeudi 18 juin 2009

يجيك الرافل يا غافل

10 commentaires


حدثني أبو جيشون قال : في تاريخ بلادنا المجيد، المليئ بالغريب و الفريد، لم يكن علينا يوما أكثر من هذا هذا الظلم الشديد، حيث نحكم بالنار والحديد، بوليسنا مرثسي و عنيد، عمر قوادنا أكثر من مديد، لكنهم في التلفاز يقولون أنه عهد مجيد، و منهم من يقول أنه بعد عشرين سنة مازال جديد. في بلاد الأمن و الأمان، حيث يموت و لا يحيى هنا الإنسان، حيث البشر يقتله النسيان، يعيش حياته أوضع من الحيوان، لم يكن للمظلومين الحق في الكلام، نقد الخليفة كان أعظم الأثام، ليس أكبر منه من حرام، فحقوق الإنسان عندنا الأكل و المنام، أما البلاد فقد أكل نصفها اللئام، و أشترى الأخر البقية في أقل من عام، أما أهل البلاد ففي الطين نيام، فجاء وزيرها يوما بفكرة شياطين، و قال و الله إني مطبقها في الحين، فسأله أحد المستشارين، ما فحواها يا إبن لينين، هل سننزلق أكثر لليمين، أم كعادتنا سنتقرب للإسلاميين، فإن أغلب الشباب لمذهبهم متبعين، و حرب العراق و غزة لم تزد إلا بلة في الطين، فأصبحو للجهاد طالبين، و لتفجير أنفسهم راغبين، و كانو لدراستهم و أهلهم تاركين، فقاطعه الوزير بحركة من اليدين، و قال كفني من هذا الأنين، إني لجاعل أهل البلاد متصادمين، بعد أن أجعلهم في الرعب عائشين، في جحورهم مختبئين، باقين فيها لأبد الأبدين، و سأخرج فيها كالشعرة من العجين، فأنا لن أقوم إلا بتطبيق القوانين، و أجعل كل الشوارع فارغيين، و سسنزل فيها نزول المنتصرين، نطوف و نحيي دون خوف من المحتجين، فقال المستشارون في صوت وحيد، ما فكرتك يا صاحب الفكر السديد، فقال في زهو شديد، نافخا أوداجه كالشيطان المريد، إني فارض عليهم حصصا إجبارية من التجنيد، سأسوقهم في باڨاتي بالنار والحديد، و أزجهم فيها كالغنم و العبيد، و أفرض عليهم ضروبا من العذاب الشديد. وبينهم من كان دون شغل أعداد كبيرة، هكذا نتخلص من مطالبهم الكثيرة، فدون عمل كانت حياتهم حقيرة، يبقون في القهوة أكثر من المجيرة، فمنهم من كان يخطط للقيام بمسيرة، و منهم من كان يحوك لنا المؤامرات الشريرة، و حتا في الفيراج حابيين يعملو الڨيرة، و رغم عيون حنوشتنا الكثيرة، و أذانهم الخبيرة، إلا أن كثرتهم جعلتنا في حيرة، فعوض جمعهم حويرة حويرة، لنجمعهم كلهم تحت تصرف أيادي خبيرة. فالجيش التونسي لهؤلاء الشراذم هو الحل، تدخل له رجلا تخرج منه بغلْ، تبدى لابس صباط عجل، تصك صباح و ليل المقرونة الفل، تبدى تعوم و تغطس في الطبعة و الرمل، مبعد شهير تبدى تخمم في حبل. أما بالنسبة للمشتغلين، و لإقتصاد بلادهم دافعيين، و حتى لدى الحاكم مشتغليين، فإنا لهم لمبزلين (أعتذر عن الكلمة)، و لوالديهم عاصرين، و لشهرياتهم أخذين، و جاعلينهم على الحديدة لسنين، فنحن في نقودهم طامعين، و لسنا عن البلاد مدافعين، فمالنا نحن و المجندين، و أين نحن من صحاح الوطنيين، فمن كانو ل"عامهم" مكملين، لم يكونو لفنون الحرب متعلمين، و لم يصبحو أكثر تونسيين، فهم لم يعرفو فيه إلا البستنة و المرمة و التكربين، و لم يكونا يوما لسلاح حاملين، بل منهم من أصبحو لبلادهم كارهيين، فقد كانو لحبيباتهم و أهلهم تاركين، أو لعمل صعب المنال تاركين. صفق المستشارون طويلا، بل وقفو للوزير تبجيلا، لكن أحدهم لم يجد الكلام جميلا، و طلب منهم السكوت قليلا، ثم وقف و قال في صوت أراده ثقيلا :

"إذا كان هذا هو الحل هذه السنة، فما الحل السنوات القادمة؟"

...

الصمت المطلق

dimanche 14 juin 2009

الشيطان : بعَوْ باش نجي نعضّك!

5 commentaires
عمك الشيطان هذا طلع شرير مش نرمال، قالك تبدى مبنّك في أمان الله في بيتك تقرى مثلا و يبدى واحد في بلاصة عالية يبدى يرغي و يعيط و يستدعي في العباد باش تجي تصلي، تقول إنتي هيا نمشي نعطي حق ربي ياخي يخرجلك هو من تحت السرير ولا مالخزانة و يبدى يزنّ عليك و يقلك سيب عليك راهي بيعة فاشلة. تولي إنتي تبطل و ترصيلك في الإخرة مبنك مع فرعون، بارّي وايت و روجي لومار يعملو بيكم في بابركيو...

زادة الشيطان ينجم يعملك مشكلة مع أمك هكة من غير سبب مش على خاطر إنتي معفط و تحب الكورة أكثر من أمك...

ضحكة 1

إبليس أكيد عامل إتفاقية مع المحامين خاترو يلز العباد باش تطلق و مايحبش شكون يبقى رايض في دارو...


ضحكة 2


الشيطان زادة عندو الأكتاف خاتر كي تبدى قطعة متعدية و لابسة روبة هو اللي ينفخ الريح باش تتهز و يطيح برشة حاجات من إيدين البنات اللي لابسين ديكولتي...

ضحكة 3

نتصور زادة هو اللي عاونني باش نكتب المدونة هذي و بالكشي عندو كونت على التن بلوغ باش يصوتلي على
الأرتيكل متاعي...

ضحكة 4


خلاصة القول : شي يأسف أنو العباد ديما تبقى تلوج على شماعة تعلق عليها أخطائها، الشيطان موجود على المستوى الشخصي و إسرائيل على المستوى العام، شخصيا ما نفهمش كيفاش إنسان ما يكونش مسؤول على التصرفات متاعو، كيفاش يحب يحطها في راس كائن خيالي باش يمنع منها، إذا إنتي معفط لحد أنك تبعث أمك تقضي في جراير ماتش كورة ولا ما تروحش تشوف صغيراتك خاتر طرح البولوت سخون برشة، برجولية السماح، المشكلة أنو العباد ماهمش مقتنعين بأغلاطهم و بالتالي ما يحاولوش يصلحوها. حالة و برة...

samedi 13 juin 2009

Ma7moud, Ma7moud, on t'encule!

16 commentaires
Ma7moud, comme vous en avez sûrement entendu parler a été réélu, c'est une très mauvaise nouvelle pour diverses raisons, d'abord parce que j'ai une petite allergie aux barbus, faut dire qu'en Iran tout le monde en a une, ensuite parce que j'aime pas trop les conservateurs et que l'opposant de Ma7moud était un progressiste, progressiste sous le régime des Mollahs certes mais progressistes par rapport à son rival Nejad. Un autre point important est que Ma7moud est un grand agitateur et une grosse gueule, il va encore nous saouler pendant des années avec son soutien "infaillible" pour la cause palestinienne tout en croisant les bras chaque fois que la Palestine trinquera et Israël pourra continuer à les entuber sans problème. Côté politique international aussi, avec un Obama qui tend la main aux musulmans en général et aux iraniens en particulier, on aurait bien aimé voire un modéré à la tête de ce pays. Bref, tout est là pour déclarer aux moins trois jours de deuil sur ce blog, le minimum pour exprimer son chagrin à la victoire d'un facho... No pasaran!

PS : Les jeunes iraniens ont rapidement manifesté leur colère et leur indignation face à la victoire de Ma7moud et dénoncent les fraudes qui ont entaché le scrutin...

lundi 8 juin 2009

Le crash du AF 447 : Emprisonnez les tous, dieu reconnaîtra les siens!

0 commentaires
كيما سمعتو الناس الكل فمة طيارة متاع آر فرانس طاحت في الثنية بين فرنسا و البرازيل، و نتصور أنكم زادة سمعتو اللي فمة عايلة تونسية كاملة توفات في هالحادث الأليم، بمنسابة هالكارثة نتمنى اللي يكون فمة عباد في تونس عندهم الإمكانيات و الوقت إلخ من أجل رفع دعوة ضد آر فرانس، ضد مطارات البرازيل و ضد الزبراط باش يدخلوهم الكل الحبس، أش بينا أحنا ياخي دمنا ماء و دم الطلاين دم؟ جيبولنا ال ر م ع متاع آر فرانس يعدي أيمات ما تتنساش في بوشوشة، نحطو عايلة القبطان في ڨلبو في السجن المدني بالهوارب و باش نسامحو البرازيل يبعثولنا عينات مالبنات اللي تشطح عندهم في الكرنفال التحفون.
زادة كان فمة إمكانية زيدو رتحونا من ساركوزي و پاولو كوهيلو راهم حتى همّ غلبو عليَّ.

إسلاموفوبيا : التشحتيف المادي نموذجا

6 commentaires
فمة قارئ كريم للمدونة المتواضعة هذي أتحفني بالوصلة التالية


في ظل غياب الرادع قطعان الزنادقة يواصلون استهتارهم بعقائد التونسيين


لاحظت و بلا فخر أنو المدونة متاعي مذكوتة ثلاثة مرات، شي يفرهد الحق، المقال يحكي على القطعان الضالة و يبحث عن طرق غلق أفواهها، و يأكد أنو المدونين هذومة قاعدين يتلقاو في الدعم المادي من أطراف خارجية، ما نكذبش عليكم أنّي مانيش ضد التدوين بمقابل (هاهو القزوردي يعمل فيها، أشن ناقصني ءنا؟) و ما نحتقرش العباد اللي تربح فلوس مالكتيبة و مثلي الأعلى لهنا هو ميشال أونفري اللي يكتب في الشهر كتب فلسفة أكثر مني أنا في المدونة متاعي.

زيد على ذلك الأزمة المالية لعالمية و الوضعية المادية المزرية اللي تمر بها شعوب العالم الثالث، الواحد لازمو يفيق على وضعو و ياخو بايو ماللول حتى كان جاء ضرب عصا كيما يقولو.

لذا نتوجه لأصحاب القلوب الرحيمة و المتواطئة مع اللوبي البنغالي من أجل تحرير راس لمبوط و الأخوة بين الشعوب، نتوجهلها بنداء عاجل باش يمشيولي بعض حاجة كل مرة "نهاجم" فيها الإسلام، هو الحق كنت نتصور اللي مهاجمة فكرة مش كيما مهاجمة شخص أما يظهر لا، بصفتي مواطن بالخارج نقبل المنح بالدولار و اليورو و حتا بالدينار التونسي فماش ما نعمل دويرة و نلم سويقاتي.
زادة نطلب من جماعة البوكشطة اللي عندهم برشة فلوس باش يمشيو تفتوفة كل مرة نهاجم فيها المسيحيين و اليهود، ماهم ما يطيقولهمش ريحة، مستعد زادة نكتب مدونات بالفرنسية بالنسبة للعباد اللي ما تفهمش لغة الضاد.
نذكر زادة (رغم أنو مش هذا هو الموضوع متاعنا) اللي بصفتي معادي اللإمبريالية و ضد الحرب، إذن أنا بالطبيعة ضد أمريكا و ضد إسرائيل، كان تحبو ساعة ساعة تدوينة ما يقلقنيش، المهم السكة كيما يقولو ناس قبل.
ههههه

و شكرا على الدعم المادي للمدونة

dimanche 7 juin 2009

عاجل : عمر بانجو بلع سبادري

4 commentaires


بلغنا للتوّ إنتقال السيد عمر بانجو إلى جوار الرفيق الأعلى بعد أربعين سنة من العمل و التفاني من أجل خدمة الوطن الغابوني، أربعة عقود من الديمقراطية و الحرية و التفاني و التعددية و التداول على الحكم. الخبر هذا موجود على موقع جريدة لوبوان الفرنسية.

السؤال اللي يطرح نفسو : شكون باش يشد في بلاصتو؟

* مرتو
* ولدو
* نسيبو


بإمكانكم التصويت عبر التعليقات على ها التدوينة :)

vendredi 5 juin 2009

طابور خامس و تفاهمنا، أما وينهم بقية الطوابير؟

5 commentaires
الدنيا قامت و لم تقعد على الطابور الخامس و من لفّ لفّهم من المدونين التوانسة و على رأسهم المدعو عاشور الناجي، في قلب الدفاع فمة عياش مالمرسى و الزبراط يلعب تسعة و نصّ، قالّك "الشرذمة" هذي (تعجبني هالكلمة) تمثّل ا لطابور الخامس في تونس. قلت مادام الحكاية هكة، نمشي نعمل طلة على الويكي نثبت في أصل الكلمة هذي، يا سيدي قالك السبة و ما فيها، عام ككح، جماعة فاشيين في إسبانيا حبوا يهدو على مدريد اللي كانت وقتها تحت سيطرة الجمهوريين، الهجوم كان عن طريق أربعة محاور أو أربعة طوابير و من أجل إثارة البلبلة في صفوف الفريق المنافس و من أجل خلق الشوشرة و الإنشقاقات في الدفاع و في إطار الإصطياد في الماء العكر، راديو فاشية ف م خرجت إشاعة مفادها أنو فمة طابور خامس ديجا موجود على عين المكان (في مدريد بالنسبة للعباد اللي ضاعت)، الهدف من الإشاعة هذي هو إختراق الصفوف عن طريق زرع الشك بين أعضاء الفريق الواحد. هذا هو الإطار التاريخي متاع الطابور الخامس.
هيا توة نعملوا مقارنة بسيطة مع المدونات التونسية:

ـ شكون اللي قال اللي فمة طابور خامس؟
ـ شنوة الهدف من الحديث عن طابور خامس؟
ـ وينهم طوابير الفاشيين اللي قاعدين يهاجموا في البلاد؟
ـ كيفاش ناس تساند التيار الإسلامي تعتبر نفسها جمهورية؟
ـ الإخوة اللي قاعدة "تناضل"، يدافعوا على شنوة؟ شنية المكتسبات اللي خايفيين عليها؟

المهم، أنا شخصيا الناس هذي تفكرني بدون كيخوت و صراعو مع طواحين الهواء، أما هو على الأقل هبل في جرة القصص و الكتب اللي قراها، مش في جرة النايل سات و العرب سات، و هو زادة نفع شوية عباد في رحلتو، مش كيف جماعتنا...

jeudi 4 juin 2009

مغرب عربي موحّد؟ علاش لا؟

3 commentaires
أول ملاحظة نحب نقولها هي أنو المدونات التونسية ما حكاتش على المغرب العربي الموحد في غرة جوان المجيد كيما العام اللي فات، ممكن لعباد فدت و الأزمة الإقتصادية العالمية مرّت على الأذهان، المهم، كنت نفكر في حكاية توحيد الدول المغاربية و قلت بما أنو الشعوب متاعنا قاعدة تصك في النوم و ما على بالها أش صاير و أش مش صاير، و بما أنو البلاد تباعت شقف و سلعة و أحنا ما على بالنا، قلت علاش ما نصدّروش للأشقاء المغاربين شقيق تماضر، هو ما بقالوش برشة حاجات تتشرى في تونس، يمشي يشوف أفاريات في بقية الدول، يشري النهر الصناعي متاع ليبيا، يولي المدير الرئيس العام متاع المجمع الشريفي للفسفاط، يعطيوه لزمة 99 عام على حوت موريتانيا، لازمو زادة يعمل ضربات بترول باش ما يحسش روحي دوني قدام جماعة الخليج. المهم يتحلّلو اللعب شوية توة تشوفو الرجال اش تعمل، توة يوحدهولكم المغرب العربي كامل و كان لزم توة يكمل ضربات مالسينغال و مصر!



اللهم اغنهم و افقرنا..اللهم زدهم و انقصنا..اللهم سفّرهم و امنحنا فرصة التلويح لهم بالمناديل